Darpon Jaurlaritzako Osasun sailburu ohia osasun aseguru-etxe pribatu batean hasi da lanean
EH Bildu eta Elkarrekin Podemos alderdiek eta ESK eta LAB sindikatuek “ate birakarien” kasu berri bat dela adierazi dute.
Osakidetzako lanpostu publikoen iruzurragatik dimititu eta gero, Keralty enpresak fitxatu zuen Jon Darpon, Eusko Jaurlaritzako Osasun sailburu ohia. Nazioartean zabalduta dagoen enpresak Euskal Autonomia Erkidegoan duen matrizeko zuzendaritza postua du orain.
Eldiario.es hedabideko Iker Rioja kazetariak argitaratu duenez, 2019ko martxoan dimititu zuenetik bi hilabete pasa ziren, maiatzean kargu hori hartu zuenera arte. Arkauten, Gasteizko periferian, kokatuta dagoen lantegiko presidentea EAJren hurbilekoa den Joseba Grajales da, eta hedabideak jakinarazi duenez, Darponen hurbileko lankidea orain Jon Azua da, Eusko Jaurlaritzako Osasun Sailburu ohi eta lehendakariorde ohia.
Eusko Jaurlaritzak mugimendu hau baimendu behar izan zuen, 2014an adostutako bateraezintasun legeak Darponen fitxaketa galarazten zuelako. Ahoztar Zelaieta kazetariak Twitter bidez argitaratu zuen gai horren inguruko argazki bat.
— Ahoztar Zelaieta (@Ahoztar1972) October 7, 2019
Elkarrekin Podemos eta EH Bildu alderdiek, eta ESK eta LAB sindikatuek “ate birakarien adibide argi bat” dela adierazi dute, “urrezko erretiro” kasu bat dela gaineratuz. Adierazpenak egin dituzten talde parlamentarioek esan dute Keralty eta Osakidetzarekin lotutako enpresen arteko erlazioak “zelatatu” egingo dituztela.
EAEko PPko buruzagi ohiak ez zuen izendapenaren berri eman nahi azken hauteskundeak igaro arte, bere alderdi ohiaren emaitzetan ez eragiteko. Ez du askorako balio izan dena den, Iturgaiz buru zuen zerrendak lorturiko emaitza eskasak ikusita.
Gipuzkoako erraustegitik behera doan Arkaitzerreka errekan ehunka aingira eta arrain aurkitu dituzte hilda joan den larunbatean. Geroztik jakin denez, Uraren Agentziak hartu du bere gain ikertzea horren jatorriarekin zerikusirik ba ote duen Gipuzkoako Ingurumen Parke deituan... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Bizkaiko Entzutegiak erabaki berri du Karrantzako Minda araztegiaren kiebrak badituela errudunak eta Bizkaiko bailara honetako azienden simaur-isuriak birziklatzeko proiektua antolatu zutenak kondenatu ditu, tartean Eusko Jaurlaritzako Nekazaritza saileko zuzendari postutik... [+]
Arantxa Tapia Lakuako Ekonomiaren Garapen eta Azpiegitura sailburuak, Eneko Goia Donostiako alkateak eta Iñigo de la Serna Espainiako Sustapen ministroak Donostiako Norteko geltokiaren birmoldaketa proiektua aurkeztu zuten astelehenean, Donostiako udaletxean. Obraren... [+]