Cotatuero mendateko eskaladarako iltzeak moztu dituzte bukardoa eta basoilarra naturara itzultzea aldarrikatzeko eta Ecologistas en Acción taldeak salatu du egileak eskuin muturrekoak direla
Ekintzaren erantzukizuna zazpi mendizalez osatutako talde batek hartu du, Jesús Vallés aktibista tartean. Ordesako Parke Nazionala (Aragoi) "abentura parke bat" bihurtu dela salatu du taldeak, eta "parkearen turistifikazioak eta kirol jardueren areagotzeak" bukardoaren eta basoilarraren biziraupena mehatxatzen dutela. Aragoiko Ecologistas en Acción taldea ekintzaren aurka azaldu da, eta egileak eskuin muturreko pertsonak eta mugimenduak direla ziurtatu du.
Zazpi mendizalez osaturiko talde batek Ordesako Parke Nazionalean dagoen Cotatuero mendateko dozena bat iltze moztu zituen asteartean, Jesús Valles aktibista ezaguna eta polemikoa buru zuela. Sare sozialetan zabalduriko komunikatuan taldeak zehaztu du ekintzaren helburu nagusia bukardoa eta basoilarra "naturara itzultzea" dela. Beren arabera, azken urteetan Ordesako Parke Nazionalean kirol jarduerak eta parkearen "turistifikazioa" areagotu dira, eta bi espezie horien biziraupena mehatxatzen dute.
Taldeak gaitzetsi du Ordesa "abentura parke bat" bihurtzen ari dela, eta, horregatik, bere fauna basatiaren zati handi bat galtzen ari dela: esaterako, aurretik aipaturiko basoilarraz eta bukardoaz gain, hartza, otsoa eta katamotza ere bai. Hori salatzeko baliatu nahi izan dute iltzeen mozketa, Vallesen esanetan, eta horretarako Cotatuerora iristeko sarbide guztietan kartelak jarri zituzten ekintzaz ohartaraziz.
Ecologistas en Acción taldearen kondena
Aragoiko Ecologistas en Acción taldeak oso gogor kritikatu ditu ekintza eta bere egileak. Hau da zabaldu duen mezua: "Aragoiko Ecologistas en Acción taldetik irmoki kondenatzen ditugu Cotacueron gertatu diren ekintza bandalikoak. Ekintza Pirineos Wilderness eta MSR eskuin muturreko mugimendu neonaziko kideek egin dute. Mugimendu eta pertsonak horiek gizarte enfrentamendua eta gorrotoa bilatzen dituzte, baita pertsonen bizitzak arriskuan jarrita ere. Oraingoan egin moduan, batzuetan naturaren defentsaren aitzakia faltsuan babesten dira, erabat arbuiagarria dena, eta naturaren egiazko defentsaren aurkakoa".
Ekintza egin duen taldearen buru Jesus Valles dago, berak zabaldu du. Aragoiko Heraldo hedabideak ekintzak sortu duen polemika jaso du, eta Vallesen iragana gogoratu. 1990eko hamarkadan S.O.S Naturaleza taldea sortu zuen Pirinioetan hartza eta otsoa egotearen alde, hainbat ekintza egin eta abeltzainekin gatazkak izan zituen. 2011n Los Verdes-Grupo Verde alderdia sortu zuen: "Hautagaitzaren buru izan zen Zaragozako Udalerako, ultraeskuineko alderdi baten jarraitzaileak babesten zituen zerrenda. Erakunde ekologistek zerrenda inpugnatu zuten, Mugimendu Sozial Errepublikanoko (MSR) neonazi batzuk biltzen zituelako eta zerrenda horretan militante ekologistak sartu zituelako, MSRko kideen presentziaren berri eman gabe".
Urte luzez Ordesaren pasabide ezagunenetako bat
Cotatuero mendatea Ordesako Parke Nazionalaren iparraldean kokatzen da, Aragoiko Pirineotan, eta iltzeak 1881. urteaz geroztik zeuden bertan, Noticias de Navarrak jaso duenez. Hain zuzen, Lord Buxtun ehiztari britainiarraren enkarguz jarri zituzten iltzeak Torla (Aragoi) herrixkako bi errementarik, mendatearen goialdera iristeko sarbidea errazteko eta bertan oreinaren eta basoilarraren gisako espeziak ehizatzeko. Geroztik, Ordesaren leku ezagunenetariko bat bihurtu da urtero igarotzen duten mendizaleentzat, baina baita ingurumenaren inguruko eztabaiden inguruko auzi ere, astearteko ekintzak erakusten duen bezala.
Ekopol ikerketa-taldeko Jon Iñaki Sasia Santos, Gorka Bueno Mendieta eta Iker Etxano Gandariasbeitia kideek Amalur EIS ingurumen-informazioko sistema aurkeztu dute. Egileek azaldu dutenez, sistema horrek ingurumen-inpaktuak kalkulatzen ditu, Kutsatzaileen Isuri eta... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Aurten bai urtea da. Sagar urtea izango da aurtengo hau (Malus domestica). Eta baialdia behar bezala agurtu eta baliatzeko, besteak beste, dolareak gertatu beharko ditugu.
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Kaxalotea edo zeroia (Physeter macrocephalus) munduko horzdun zetazeo handiena da, eta baita munduko horzdun animalia handiena ere. Beheko barailan soilik ikusten zaizkio hortzak, baina bakoitzak kilo bateko pisua izan dezake. Izatez, ez dago oso argi zertarako erabiltzen dituen... [+]
Ebroko Konfederazio Hidrografikoko (CHE) lehendakariak egin du iragarpena aste hasieran: Esako urtegia handitzeko lanen laugarren moldaketari aurten ekingo diote eta urtegiaren eskuin magala egonkortzeko 47 milioi euro gastatuko dira.
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Giza jardueren eragina uste baino handiagoa dela eta ehunka kilometrotara ere irits daitekeela ondorioztatu dute biodibertsitatea neurtzeko ohikoa ez den metodo bat erabiliz. Biodibertsitate iluna neurtu dute: leku jakin batean bizi daitezkeen baina bizi ez diren espezieen... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola izan den azaldu du.
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]