Cosmic Tentacles estudioarekin elkartasuna antolatzeari ekin diote Gasteizko kulurgileek
Cosmic Tentacles estudioak egindako kartel bat eta beronen egile Mikel Gonzalez salatu ditu Gasteizko Udaleko Herritarren Segurtasunerako Sailak. Jazarpenaren aurrean, Gasteizko kultur arloko hainbat eragilek "auto-inkulpazio" kanpaina antolatzeari ekin diote, Gonzalezen absoluzioa eskatu eta adierazpen askatasunaren aurkako erasoari era bateratuan erantzuteko.
Cosmic Tentacles diseinu estudioaren eta Mikel Gonzalez Cthulhu artistaren aurka jarritako salaketaren aurrean, ostegunean agerraldia egin dute Gasteizko kultur arloko hainbat eragilek. Zuloa Irudia liburu-denda aterpe hartuta, prentsaurrekoa eskaini dute erasoa salatu, Gonzalezi elkartasuna adierazi, adierazpen askatasuna aldarrikatu eta abiatuko duten babes kanpainaren berri emateko.
Jakinarazi dutenez, auziaren aurrean defentsa juridikoaz gain, beste biderik ere hartuko dute. Mikel Gonzalez kaltetuaren hitzetan: "Denbora gehiegi daramagu defentsa-borroka bat egiten, azaldu behar ez duguna justifikatzen eta prozesu judizialetan lokazten". Hala bada, aurreratu dute martxoaren 9an #DenokGaraGargamel “auto-inkulpazio kanpaina” abiatuko dutela, Gonzalezen absoluzioa exijitzeko. Abiatu berri duten borroka “elkartasun, mobilizazio eta sormen terminoetan” planteatu dute, umorea eta sormena ardatz hartuta, iritzirik horrek beldurra eragiten diola hainbati.
Kanpainaren baitan, hiriko kultur eragileak bilduko dituen lantaldea osatzea dute xede, bertatik erantzun bateratu bat antolatzeko erasoaren aurrean.
“All Pitufos Are Bastards”
Otsailaren 26an salatu zuen Gasteizko Udaleko Herritarren Segurtasunerako Sailak, Fiskaltzaren aurrean, Cosmic Tentacles estudioak egindako kartel bat eta beronen egile Mikel Gonzalez. Zehazki, salaketa PSEko zinegotzi eta Segurtasun Saileko arduradun Marian Gutierrezek aurkeztu zuen, kartelarekin batera publikatutako testuari “iraingarri” iritzirik.
Kartela otsailaren 14an argitaratu zuten, Gasteizko Udaltzaingoak Iguana tabernan egindako esku-hartzearen ondotik, zeinetan bi pertsona atxilotu zituzten:
Los diseñadores de Cosmic Tentacles Studio quisieron denunciar la desmesura policial durante una redada de la que circularon numerosos testimonios gráficos. pic.twitter.com/VMnXXLDBvT
— Jonathan Martínez (@jonathanmartinz) February 26, 2021
Gertakizunen harira egindako kartelean udaltzain bat ageri da, “All Pitufos Are Bastards” ("Polizia guztiak pottokiak dira", Poliziaren aurkako All Cops Are Bastards –Polizia denak sasikumeak dira– leloaren moldaketa) esaldia ondoan. Gutierrezi iraingarri iruditutako mezu honekin argitaratu zuten kartela: "Udaltzaingoa, plaka eta pistoladun herriko inozo mota hori, hiperaktibitate egoeran beti, bere anaia zaharrena (pezeta zaharren zipaioa) bezain basatia eta burugabea izan daitekeela frogatzeko irrikaz".
Kartela agintaritza iraintzearen ustezko delituatzat jo daitekeelakoan, egilearen aurka zigor-prozesua abiatu dute.
Kaltetuak adierazi duenez, ez daukate asmorik beren “tonua apaltzeko” edo beren lanetan adierazten dituzten “terminoak berrikusteko, instituzio batzuei minik ez emateagatik”. "Askatasunik gabeko arteak beti aurkitzen ditu adierazteko bideak, baina aske izan nahi duen gizarte batek ezin ditu bere artistak jazarri, isilarazi edo espetxeratu", azpimarratu du Gonzalezek.
Kantu parodiko bat egin zuen Lizarrako taldeak 2024ko udan, herriko festetako txosnagunea lekuz aldatu nahi zuelako UPNren udal gobernuak. Alkateak salaketa ipini zuen, "gorroto delituarekin", bere "heriotza desiratzen" zutelakoan. Epaileak adierazpen... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]