Cerverus funts putrearen lokal bat birjabetu dute Galdakaon
Galdakaoko Etxebizitza Sindikatuak eta Elkarlaguntza Sareak okupatu dute espazioa, Herri Gunea izendatu duten proiektuaren aterpe bilakatzeko. Aurreratutakoaren arabera, espazioak funtzio soziala izango du eta herritarren bizi baldintzak hobetzeko tresna izango da.
Galdakaoko Elkarlaguntza Sareak eta Etxebizitza Sindikatuak deituta, etxebizitza eskubidearen aldeko kalejira egin zuten larunbat goizez. Ekimena baliatu zuten bertaratutakoei jakinarazteko herrian espazio berri bat ireki zutela. Espazioa Cerverus funts putreari birjabetutako lokala da; "etxebizitzarekin gehien espekulatzen duen funtsetako bat da, langileriaren kontura irabazi itzelak metatuz", azaldu dute elkarlaguntza sareko eta sindikatuko kideek.
Birjabetutako espazioaren erabilera "libre eta kolektiboa" egiteko asmoa agertu zuten, baita lau pareta horien artetik aurrera eraman nahi duten proiektua zein den azaldu ere. Herri Gunea eman diote izena espazioari, eta herritarren bizi baldintzak hobetzeko tresna izatea du helburu. Bide horretan, espazioak beteko dituen zenbait funtzio ere zehaztu dituzte: asanbladak egiteko espazio izango da, euskara eta alfabetizazio ikastaroak gauzatuko dituzte, zaintza lanen kolektibizaziorako espazioak sortuko dira, oinarrizko elikagaien biltegi eta banaketa espazioa funtzioa beteko du, besteren artean. "Finean, Herri Gunea klase desjabetuaren defentsarako ekintza sozialak egiteko balioko duen espazio bat izango da".
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]