Cameronek etorkin “irregularrak” kontratatzen dituzten enpresak zigortuko ditu
Astelehenean Erresuma Batuko gobernuak jakitera eman eta BBC komunikabide britaniarrak zabaldu du albistea: paperik gabeko immigranteak kontratatzen dituzten enpresa eta partikularren aurkako neurriak gogortuko ditu.
“Legez kanpoko immigranteei lana ematen dieten enpresariek tranpa egiten dute. Britainiarrei lana kentzeaz gain, soldatak jaistea ekartzen du”, Erresuma Batuko Immigrazioko idazkari James Brokenshiren hitzak dira.
Udazkenean hasiko omen da ikuskapenak egiten David Cameron presidentearen gobernua. Eraikuntza enpresa eta garbiketa zerbitzuak izango dira behatuak, besteak beste.
Brokenshirek gaineratu du: “Esperientziak esaten digu lanaren inguruko arauak hausten dituzten enpresak zerga gutxiago ordaintzen dituztela”. Horregatik “Gobernuaren makinaria guztia erabiliko dugu immigrante ilegalei lana eskaintzen dieten horien aurka ekiteko”.
Eurotunelean hilketak
Europara iristeko saiakeran lagun gehien hiltzen diren bidea Mediterraneokoa izanik ere, honezkero bederatzi lagunek bizitza galdu dute Frantzia eta Erresuma Batua batzen dituen Eurotunelean.
Gertakariak polemika handia eragin du Erresuma Batuan. Cameronek esan du “etorkin desesperatuak Eurotunelaren inguruan dauden bitartean, tunelaren segurtasuna mehatxupean izango dela”.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]