Bullying-ari aurre egitea lortzen ari den metodoa

  • KiVa du izena eta Finlandiako ekimena da, hezkuntza komunitatearen eta Finlandiako Gobernuaren artean sortua. Eskolan jazarpena eta ziberbullying-a amaitzeko eraginkorra izaten ari da eta herrialde hartan, oinarrizko hezkuntza ematen duten ikastetxeen %90ak du martxan dagoeneko.


2015eko ekainaren 08an - 09:56
Lekukoengan eta talde osoan eragitea da KiVa metodoaren oinarria.

Datuen arabera, KiVa-ri esker ikastetxeen %79an desagertu egin da bullyinga eta jazarpena gutxitu egin da %18an.

Gakoa: lekukoengan eragitea

Arreta biktiman edota erasotzailean bakarrik jarri beharrean, talde osoa gidatzen duten arauak aldatzea da metodoaren oinarria, ez biktima ez erasotzaile zuzen, baina gertatzen denaren lekuko diren edota barre egiten dutenengan eraginez. Izan ere, sarri “isiltasunaren legeak”, erasotzailearekin konplizitate horrek ahalbidetzen du jazarpena, baina lekukoak zerbait esanez gero bera ere biktima bihurtzeko beldurra izan dezake, edo talde indartsuaren parte sentitu nahi du.

Hala, lekukoen jarrera aldatzea da helburuetako bat, taldeak duen indarraz jabetzea, eta biktimarekin enpatizatuz, hura lagunduz eta defendatuz, erasotzailea bakarrik uztea.

7 urtetatik lantzen

Ikasleek hogei bat eskola jasotzen dituzte, 7, 10 eta 13 urterekin, jazarpen moduez, elkarbizitzaz, errespetuaz, enpatiaz… Gida-liburuak, bideojokoak, material birtuala, bilerak, gurasoekin egindako solasaldiak… dituzte horretarako. Postontzi birtuala ere badute haur eta gazteek, biktima edo lekuko baldin badira salaketa egin ahal izateko.

Ikasleen parte-hartzea bilatzeaz gain, ikastetxe bakoitzean hiruzpalau irakasle arduratu ohi dira jazarpenaren kontrako taldeaz. Erasotzaileekin, biktimekin, egoki ikusten duten ikasleekin eta gurasoekin hitz egiten dute.


Kanal honetatik interesatuko zaizu: Bullyingaren amesgaiztoa
Bullyinga ekiditeko programaren balorazio “oso positiboa” egin dute Nafarroako ikastolek

Nafarroako hamabost ikastoletan txertatu zuten KiVa programa finlandiarra 2016an. Honekin fokua jarri zuten eskola-jazarpenaren prebentzioan eta tratamenduan. Ikastolen elkarteak prentsaurrekoa egin du programa baloratzeko eta adierazi du emaitza “oso positiboa” izan... [+]


Bullyingaren aurrean eskolak ez direla nahikoa inplikatzen dio Gipuzkoako Adin Txikikoen Fiskaltzak

Erraza al da eskola-jazarpena antzematea eta moztea? Erremintak gero eta gehiago dira, "baina ez da protokolo kontua", bullyingaren aurrean ikastetxeek oro har ez dutela nahikoa arreta jartzen, ez direla behar adina inplikatzen eta ematen duten erantzuna ez dela aski... [+]


Iñaki Zubizarreta
"Eskola jazarpena bere horretan erakutsi behar da"

Maiatzaren 2a, Bullying-aren aurkako Nazioarteko Eguna izan da, eta horregatik, eskola jazarpenaz aritzen den hizlari Iñaki Zubizarretagaz (Getxo, 1972) mintzatzeko aukera izan dugu. Bere fisikoari erreparatuta, inork ez luke esango saskibaloi jokalari profesional ohiak... [+]


Eskola-jazarpen kasuek gora egin dute EAEn, gehienak Bigarren Hezkuntzan

Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]


13 urteko umearen suizidioak eskola jazarpenaren arazoa berrazaleratu du Frantziako Estatuan

Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]


Eguneraketa berriak daude