Azken ikasturtean Hezkuntza Ikuskaritzak 100 eskola jazarpen kasu identifikatu ditu
Identifikatutako kasuen ehuneko handiena Bigarren Hezkuntzan izan dira, ehun kasutik 63. Azpimarratu beharrekoa da jazarpen hauen %25 internet, sare sozial edo bestelako bitarteko zibernetikoen bidez egin dela. Bestalde, ISEI irakats sistema ebaluatzeko eta ikertzeko erakundeak egindako azterketaren arabera, ikasleen %18,9k ziurtatu dute tratu txarrak jasaten dituztela eskolan.
2019-2020 ikasturtean 100 jazarpen kasu identifikatu ditu Hezkuntza Ikuskaritzak Euskal Autonomia Erkidegoko ikastetxeetan, aztertutako 795 kasuen %12,58. Begoña Pedrosa Hezkuntza sailburuordeak Gasteizen aurkeztu ditu datuak.
Aztertutako kasuak igo egin dira azken urtean: 2018-2019 ikasturtean 755 izatetik 795 izatera pasatu dira 2019-2020an, eta jazarpen kasu bezala identifikatutako kasuak 96 izatetik 100 izatera igaro dira. Datuak ehunekotan aztertuz gero, identifikatutako kasuen kopurua paretsua dela ikus daiteke, %12,72tik %12,58ra igaro da.
Identifikatutako kasuen ehuneko handiena Bigarren Hezkuntzan izan dira, ehun kasuetik 63. Azpimarratu beharrekoa da jazarpen hauen %25 internet, sare sozial edo bestelako bitarteko zibernetikoen bidez egin dela.
Azken hamarkadan aztertutako kasu kopurua hamar aldiz hazi da
Azken hamarkadan hamar aldiz handitu da Hezkuntza Ikuskaritzak aztertu dituen kasuak: 2008-2009 ikasturtean 75 kasu izatetik, joan den ikasturtean 795 izatera. Baina behin aztertuta jazarpen gisa izendatu dituenak ez dira proportzio berean hazi: 39 izan ziren 2008-2009an eta 100 iaz.
Ikasleen %18,9k dio tratu txarrak jasaten dituztela eskolan
Bestalde, Berria Irati Urdalleta kazetariak jaso duenez, ikasleen %18,9k ziurtatu dute tratu txarrak jasaten dituztela eskolan. ISEI irakats sistema ebaluatzeko eta ikertzeko erakundeak, Eusko Legebiltzarreko Hezkuntza batzordean egindako agerraldian eman ditu datuak. Hauen arabera, mutilen %20,3ak jasaten du bullying-a eta nesken kasuan %17,8ak. Lehen hezkuntzako ikasleen %20,3k jasaten dituzten txartu txarrak eskolan eta Bigarren Hezkuntzako ikasleen kasuan %17,8ra jaisten da kopurua.
Tratu txarren biktimen erdiek baino gehiagok lagunekin hitz egiten du. Irakasleak eta tutoreak lagunak baino gutxiagotan esku hartzen dute, ikasleek adierazi dutenaren arabera. LHko biktimen ia %10ak eta DBHkoen %24 pasatxok ez dute inorekin hitz egiten.
Maiatzaren 2a, Bullying-aren aurkako Nazioarteko Eguna izan da, eta horregatik, eskola jazarpenaz aritzen den hizlari Iñaki Zubizarretagaz (Getxo, 1972) mintzatzeko aukera izan dugu. Bere fisikoari erreparatuta, inork ez luke esango saskibaloi jokalari profesional ohiak... [+]
Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
Pasa den ikasturtean Hezkuntza Ikuskaritzak eskola jazarpen gisa identifikatutako kasuen berri eman du Eusko Jaurlaritzak: 157 kasu guztira –aurreko ikasturtean 129–, gehienak DBHn gertatu dira eta hiru kasutik bat ziberbullyinga izan da.
Haurtzaroan adbertsitateak bizi izan dituzten haurrek motxila zamatuta eramaten dute eskolara, eta eskolan bizi duten esperientziak are gehiago zamatu ohi die motxila. Egoera hauetan hezkuntzak eta hezitzaileek egin dezaketenaz mintzatu zaizkigu Gema Lasarte eta Beatriz Garai... [+]