Bost lagun epaituko dituzte Talka espazio feministaren desalojoagatik
Talka kolektibo feministak jakitera eman duenez, Adolfo Dominguezek bost auzokide epaiketara eramango ditu azaroaren 30ean, espazio okupatuaren maiatzeko desalojoaren harira. Elkartasun argazkia aterako dute astelehenean.
Gasteizko Alde Zaharreko bost bizilagun epaituak izango dira azaroaren 30ean, astelehenean, Talka espazio feministaren maiatzeko desalojoaren harira; usurpazio delitu bat leporatzen diete. Epaiketaren egun berean, elkartasun argazkia egiteko deialdia egin du Talkak, astelehenean, hilaren 30ean, 19:00etan Matxete plazan.
Gainera, Talkatik salatu dute desalojoa "agindu judizialik gabe" gauzatu zela, "elkartasuna eta salaketa ekiditen zituen konfinamendua baliatuz".
2019ko abenduan, gutxienez hamarkada bat hutsik zeraman Adolfo Dominguezen lokala okupatu zuten Talkako kideek. Epaiketa salatzeko plazaratu duten ohar batean azaldu dutenez, lokal hori okupatzea aukeratu zuten "Udalak Alde Zaharrean baimendu dituen ustelkeria, espekulazioa eta gentrifikazioa salatzeko" asmoarekin.
Gogora ekarri dutenez, Adolfo Dominguezek berak hainbat hedabidetan onartu zuen "haren mesederako tratua" lortu zuela Udalarekin, Alde Zaharreko lokal batzuen salerosketa adosteko. Hala ere, gaur egun ez dago salerosketa horren inguruko informazio publikorik, Udalaren jabetzako lokala bada ere; hala izanda, derrigorrezkoa litzateke Arabako Lurralde Historikoaren Aldizkari Ofizialean (ALHAO) argitaratzea.
Azken hiru urteetan, Alde Zaharreko bi lokal okupatu ditu Talka kolektibo feministak: lehenengoa, Alava-Velasco jauregia, 2018ko abenduan; hura desalojatu ondoren, 2019ko abenduan, Hedegile kaleko 33. zenbakian sartu ziren.
"Auzoan bizi eta auzoa defendatzeko modu bat epaitzen ari dira, ez dagoelako auzoan bizitzerik auzoa defendatu gabe", adierazi dute. "Behar indibidualen aurrean erantzun kolektiboak bilatzen eta legezkotasun kapitalistatik at zilegitasunak eraikitzen jarraituko dugu".
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]