Asteburuan izan dira denak: Gasteizen lau eta beste biak Tuteran eta Donostian. Indarkeria matxistari lotuta atxiki dituzte sei gizonezkoak; 32, 33, bik 34, 39 eta 48 urte dituzte. Gasteizko bat ukituak egitea egotzita atxilotu dute, beste guztiak bikotekideei erasotzea leporatuta.
Ekainaren 3tik 5erako asteburuan sei gizonezko atxilotu dituzte indarkeria matxista leporatuta. Gasteizen larunbatean egindako erasoa sexu erasoa izan zela argitu du Eusko Jaurlaritzako Segurtasun Sailak, Berriak jaso duenez. 39 urteko gizon batek ukituak egin zizkion emakume bati, eta horrek laguntza eskatu zuen. Polizia hurbildu zenean gizona ihes egiten saiatu zen, baina laister atxilotu zuen Udaltzaingoak. Gasteizko beste bi atxiloketa ostiralean egin zituzten, eta igandean beste bat. 32, 33 eta 48 urte dituzte, eta hirurek erasotu zituzten bikotekideak.
Beste bi erasoak 34 urteko bi gizonek egin zituzten, batak Tuteran eta besteak Donostian. bikotekideei erasotzeagatik atxilotu dituzte. Tuterako erasoa emakumeak berak jakinarazi zuen, Poliziari deituta, eta udaltzainek atxilotu zuten gizonezkoa. Donostiakoaren kasuan, ordea, kalean egin zion eraso, eta lanean ez zegoen udaltzain batek ikusi zuen. Ertzaintza bertaratu eta atxilotu egin zuten.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.