ARGIA.eus

2020ko maiatzaren 31

'Boro' kazetariaren aldeko sinadura bilketa jarri dute martxan

  • La Haineko kazetariari babesa adierazteko kanpaina zabaldu dute. Kazetari lanak egiteagatik behin baino gehiagotan auzipetu dute. Apirilaren 16an izango da bere aurkako azken epaiketa eta sinadura bilketa jarri dute martxan babesa adierazteko. Zazpi urte eta erdiko espetxe zigorra ezarri nahi diote.

Miren Osa Galdona @Mirentx_U
2018ko martxoaren 02a

Bi auzi ditu bere aurka: sei urteko kartzela zigorra ezarri nahi diote, fiskalaren aburuz, 2014an Madrilen Espainiako monarkiaren aurkako manifestazio batean lanean ari zela, Poliziari eraso egin ziola egotzita. Bestea, pasa den azaroan Espainiako Auzitegi Nazionalean deklaratu zuen sare sozialetan idatzitakoen harira. Azken horrengatik urte eta erdiko espetxeratzea eskatu dute bere aurka "terrorismoa" goratzeagatik.

Behin baino gehiagotan salatu izan du La Haine eta Kaos en la Red atarietako kazetariak kazetari lanak egiteagatik presioak jaso izan dituela. Iazko azaroan txio batzuk zirela medio deklaratu behar izan zuenean, “propio” sortutako epaiketa izan zela nabarmendu zuen, aurrekariak egotzi eta bigarren epaiketan espetxeratu ahal izateko.

Hemen duzue Bororen aldeko sinadura kanpaina.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kazetarien aurkako jazarpena kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude