‘Bizikoopon’ jaio da, Gasteizko Alde Zaharrean etxebizitza eskubidea bermatzeko etxebizitza kooperatiba
Etxebizitza eskubidea bermatu eta elkarbizitza proiektu bat garatu nahi dute Alde Zaharreko zenbait auzokidek, erabilera lagapenean oinarrituta. Bartzelonako La Borda edo Donostiako Abaraska bezalako esperientziak izan dituzte oinarritzat Bizikoopon kooperatiba martxan jartzeko.
aurre egingo dieten hedabide independenteak
Gasteizko Alde Zaharrean proiektu berri bat dago martxan: Bizikoopon, etxebizitza eskubidea bermatzeko eta elkarbizitza proiektu bat garatzeko auzokide ezberdinez osatutako kooperatiba. Modu honetan, erabilera lagapenaren eredua praktikan jarri nahi dute auzoan, kooperatiba izanik eraikuntzaren edo birgaitzearen kargu egiten dena. Hori gutxi balitz, kooperatiba ere izango da ondorenean etxebizitzen jabe izango dena.
Eraikinaren ideia ere buruan dute: unitate txikiak eta erabilera komuneko esparruak. Hau guztia posible egiteko, kooperatibako kide bakoitzak hasierako diru sarrera bat egingo du kooperatibaren parte izateko eta etxebizitzaren erabilerarengatik hilabeteko kuota bat ordainduko dute. Etxebizitza hauek, beraz, ezingo dira ez saldu ezta erosi ere egin: kooperatibaren jabetza izango dira. Hori da, modu laburrean azalduta, erabilera lagapenaren eredua.
Jabego kolektiboaren aldeko apustua
Bizitza komunitarioari bidea irekitzea izango da beste helburuetako bat, “egungo elkarbizitza unitatetik harago doazen esparru konpartituak izanik erakinak”. Aipatutako erabilera komunaleko esparruek “gure bizitzaren bestelako esparruak kolektibizatzeko aukera emango lukete, elkarren arteko zaintza nagusi”. Baina, zergatik Gasteizko Alde Zaharrean? “Gure bizitzak bertan sustraiturik ditugulako, bertan bizi garelako eta auzo komunitatearen eraikuntzan gure aletxoa eskaini nahi dugulako”.
Etxebizitzaren truke balioa beharrean, erabileraren balioa sustatu nahi dute, jabego kolektibo baten aldeko apustua eginez. Izan ere, etxebizitzaren kudeaketa eta esparru komunena kooperatibaren esku geratzen dira, irabazi asmorik gabeko entitatea izanik eta gizarte ekimenak oinarritzat hartuta.
Beste adibide batzuk eredu
Proiektu hau gurean nobedade bat izango den arren, Uruguai edo Danimarka bezalako herrialdetan ibilbide oparoa duen eredua da, eta bertako esperientziak hartu dituzte oinarritzat, baita Abaraska (Donostia) bezalako proiektuak ere.
Ezaguna den adibideetako bat Bartzelonako Santsen kokatuta dagoen La Borda da.Erabilera lagapenaren ereduan oinarrituta dagoen Bartzelonako lehen adibidea da hau, 2014.martxan jarri zena. Horretarako, auzoan kokatuta dauden beste kooperatiba batzuen laguntza izan zuten, tartean, Coop 57 kreditu kooperatibarena.
Prozesua bera publikoki konpartitzeari garrantzia eman nahi dioten heinean, Alde Zaharreko eragile ezberdinetatik pasa dira azken asteetan euren asmoak eta proiektua azaltzera. Izan ere, Bizikoopon osatzen duten lagunentzat, “beste kooperatiba batzuen ibilbidea ezagutzea oso baliagarria izan da” eta, haien ustez, “ereduaren zabalpenak espekulazioari nolabaiteko frenoa jartzeko balio dezake, bestelako balio batzuk sustatzen dituen ekonomia eredua bultzatzen duelako”.
Horretaz gain, datozen egunetan aurkezpen publiko bat egingo dute: azaroaren 7an, 19:00etan Errexala elkartean (Aiztogile kalea, 62).
<< Albiste hau Hala Bedi-k argitaratu du eta CC-by-sa lizentziari esker ekarri dugu ARGIAra.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]