Espainiako bandera "bahitu" du Bizi mugimenduak Baionako Kontsuletxetik

  • Bizi mugimenduak beste behin ere “bahiketa ekintza bat” burutu du. Oraingo honetan “espainiar banderaren bahiketaren aldarrikapena” eginez Baionako Kontsuletxean. Ekintza, ostiral goizaldeko 4:30etan izan da Baionako BAB etorbidean

Mikel Asurmendi @masurmendi
2019ko urriaren 25a

Bizi-k banderaren bahiketa bere gain hartu du goizean eta honelaxe aditzera eman ere: “Bandera berriz itzuliko dugu baldin eta Espainiako Estatuak preso dituen bederatzi bahitu katalandarrak libratuak izanen badira”.

Mugimenduak “bandera ongi tratatua izanen dela hitza ematen dugu” esan dute agirian: “Demokraziari eta burujabetza herrikoiari lotua den bortizkeriarik gabeko mugimendu gisa, ezin dugu onartu bederatzi errepublikazale baketsu Espainiako Erresumako Monarkiak bahiturik atxikitzea”.

Agirian, besteak beste, salatzen dute, Europaren bihotzean, errepublikar hautetsiak kartzelatuak izatea biztanleriaren kontsulta bat antolatu dutelako, modu demokratikoan eta ez-bortitzean.

Azkenik, “isilik edo geldirik egoteak historiaren aurrean horren konplize bezala utziko gintuzke” adierazi dute.

Bizi-k bahitutako espainiar banderaren ordez, hauxe utzi du.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bizi!

Bizi! kanaletik interesatuko zaizu...
Eguneraketa berriak daude