Biotopoa babesteko, Donostiako irlako eskultura Pasealeku Berrian eraikitzeko eskatu du Parkea Bizirikek
Obra 450 metro mugituz gero, ingurumenean inpakturik ez izatea lortuko litzatekeela nabarmendu du naturzaleen elkarteak, EH Bilduren eta Elkarrekin Donostiaren babesarekin.
Parkea Bizirik Kukulunbera naturzale elkarteak agerraldia egin du udalean, EH Bilduren eta Elkarrekin Donostiaren babesarekin, Santa Klarako faroan eraikitzen ari diren Cristina Iglesiasen eskulturak irlan eragin ditzakeen kalteak salatzeko. Proiektuak “uhartearen artifizializazio masiboa” ekarriko duela adierazi dute, eta hango biotopoa babesteko asmoz, obra Pasealeku Berrira mugitzea eskatu dute.
Aitzole Araneta (Elkarrekin Donostia) eta Markel Ormazabal (EH Bildu) zinegotziekin batera eginiko prentsaurrekoan, Parkea Bizirikeko Joseba Gurutz De Vicentek eskari zuzena egin dio udal gobernuari: “Eskatzen dugu proiektua Pasealeku Berriko aparkalekura eramatea. Soilik 450 metro dira, eta bertan itsasoaren magia dago, eta, garrantzitsuena, ingurumenean ez luke inpakturik izango”.
Izan ere, eskulturaren eraikuntzak eta erakarriko dituen bisitarien inpaktuak irlako biodibertsitateari kalte zuzena eragingo diola uste du De Vicentek. Besteak beste, bertan bizi diren pottorro arruntaren, kaio hankahoriaren eta uharteko sugandilaren habitata kaltetuko dutela azaldu du, eta baita irlan bizi diren zenbait espezie mehatxatuena ere, esaterako, ubarroi mottodunarena, kaio beltzarena eta Euskal Herriko armeria landarearena.
Munduan desagertze arriskuan dauden milioi bat espezie daudela gogoratuz, proiektu honek “bizitzan nola jokatu behar ez dugun” erakusten duela adierazi du Parkea Bizirikeko kideak. Aranetak, bere aldetik, azpimarratu du proiektuak ingurumen-inpaktuaren txostenik ez izateak irlako faunan, floran eta ondarean “min izugarria” sortu dezakeela.
Udaberrian hiriko kostaldera bueltatu eta irlan bere habia eraiki zuten bi kaio beltzen kasua ezagutarazi eta irlako espezieek dituzten mehatxuak azaleratzeko asmoz, hurrengo bideoa argitaratu dute naturzaleen elkarteko kideek:
Proposamenak udaletxean aurkezteko ezintasuna
Parkea Bizirik elkarteak udaletxeko areto batean egin duen agerraldia EH Bilduk eta Elkarrekin Donostiak deitu dute, hiriko elkarteek ez baitute euren kabuz halako prentsaurreko bat antolatzeko aukerarik. Errealitate horrekin desados agertu da De Vicente bere hitzartzearen hasieran: “Donostian jaio gara, Donostian ikasi dugu, Donostian lan egiten dugu, eta Donostian zergak ordaintzen ditugu. Baina, elkarte naturzale bateko kidea bazara, ez duzu aukerarik Donostiako udaletxean, gure etxean, bideo bat aurkeztu eta prentsaurreko bat eskaintzeko. Hori ezinezkoa izan denez, formula hau erabili dugu”.
De Vicenteren salaketarekin bat eginez, Aranetak azaldu du bi alderdiek mozio bat aurkeztuko dutela hiriko kolektibo eta mugimendu sozialek udabaltzan euren egitasmo eta mozio propioak aurkeztu ahal izan ditzaten.
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Ekainak bost ditu gaur; udara atarian gaude eta giroak badaki. 15:00ak dira, sorbeltz saldoa aztoratuta dabil, udara beteko zeruan, kirrinka batean, eltxoak ehizatzen. Azpitik Ibaik erreparatu die sorbeltzei, eta tartean dauden enara azpizuriei; gorde ditu basozain arropak,... [+]
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]
Udan, Sargazoen itsasoan (Ipar Amerikako ekialdean) eme bakoitzak 2-3 milioi arrautza askatuko ditu. Baten batek bizirauterik badu, bi hilabeteren baitan ekialderantz igerian hasi eta urte erdi izaterako Azore uharteetara helduko da. Bertan elikatu eta haziko da, urtebeterekin,... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]