Bilboko udal eraikinetan komunak eta aldagelak aukeratu ahalko dituzte transexualek eta transgeneroek

  • Neurriak hartuko ditu Bilboko Udalak aurrerantzean bere jabetzakoak diren instalakuntzetan pertsona transexualek eta transgeneroek bai komunak bai aldagelak hauta ditzaten.

Uriola.eus @uriolaeus
2017ko irailaren 29a

Udalberri koalizioaren proposamena onartu du Bilboko Udalbatzak atzoko Osoko Bilkuran. Ondorioz, barrutietako udaltegietan, Azkuna Zentroan eta Bilbao Kirolak erakundeak kudeatzen dituen instalakuntzetan pertsona transexualek eta transgeneroek zein komun eta aldagela, emakumeenak edo gizonenak, erabili nahi dituzten aukeratu ahalko dute. Hori horrela izan dadin neurriak hartu beharko ditu Udal Gobernuak. 

Erabakia "sexu-nortasun eta genero-nortasun guztiak naturalizatzeko prozesuan aurrerapausoa" da Udalberriko ordezkarien esanetan. Gainera, bat egiten du 2016ko irailean Hezkuntza Sailak EAEko ikastetxeetan zabaldutako protokoloarekin. 

Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Transexualitatea  |  Bilbo

Transexualitatea kanaletik interesatuko zaizu...
2018-09-13 | ARGIA
Genero Identitate Legea onartu du Txileko diputatuen ganberak

Hamabost ordu iraun ditu lege proiektua onartu ala ez erabakitzeko asteazkenean egindako saioak. Legearen aldeko apustua nagusitu da, 95 diputaturen botorekin. Kontrako botoak 46 izan dira.


2018-07-13 | ARGIA
Adin txikiko baten aurkako bazterketa transfoboa salatu dute Gesaltza-Añanako igerilekuetan

Arabako Gesaltza-Añanako igerilekuetako sorosleak bainatzea debekatu zion adin txikikoari, soina estaltzen zion kamiseta bat jantzita eramateagatik. Baztertutakoaren lagunek kolektiboki erantzun zioten erasoari.


2018-06-19 | ARGIA
Transexualitatea gaitz psikologikoen zerrendatik kanporatu du Osasunaren Mundu Erakundeak

Nahasmendu psikologiko kategoria kendu diote transexualitateari, eta genero inkongruentzia bezala izendatu. Aldaketak kontu fisikora mugatzen du orain arte gaitz psikologikotzat jotakoa.


2018-04-26 | Miren Osa Galdona
Sexu aldaketaren protokoloa aldatuta, Jaurlaritzak onartu du pazienteak lehendabizi endokrinoarengana joatea psikiatrarengana ordez

Gurutzeta Ospitaleko Genero Identitateko Unitatean eman ditzaketen hobekuntzak  lantzen ari da iazko azarotik. Sexuz aldatu nahi duten pazienteei eragiten dien neurriaren berri eman dute Eusko Jaurlaritzarekin bildu ostean: unitatera doazen pertsonen sarbidea Endrokinologian hasiko da, eta ez Psikiatria sailean. Hormona tratamendua jasotzeko denbora hainbeste luzatzea ekiditea da xedea.


2018-03-04 | June Fernandez
Lur eta Ekai

Artikuluaren lerro-burua hauxe: Euskaltzaindiak zakila arazo linguistiko bilakatu zuenekoa. Axier Lopez kazetariak ARGIAn publikatutakoa. Horrela hasten zen: “Orain bi hilabete jaio zen Lur. Artean izen ofizialik ez bazuen ere, Lur izan da burua mundu honetara atera aurretik eta ondoren. Haurdunaldian ez genuen bere hanka-tartearen berri eduki nahi izan. Genitalen forma bigarren mailako kontua iruditzeaz gain, gure burua eta ingurua ez genituen aurrez baldintzatu nahi genero jakin bati... [+]


2018-02-20 | ARGIA
Crysallis: "Institutuko ikaskideek zein irakasleek Ekairen sexu-identitatea onartu zuten"

Crysallis Euskal Herria elkarteak ohar bat kaleratu du Ekai Lersundi 16 urteko mutil transexualaren heriotzaren harira. Irakasle eta ikasleen partetik jasotako babesa argitu nahi izan du Crysallisek, eta gaztearen ondoan egon direnei eskerrak eman.


2018-02-20 | Arabako Alea
Gasteizen dozenaka lagunek oroitu dute bere buruaz beste egin duen gazte transexuala

Ondarroako gaztea omentzeaz gain, transfobia salatu dute TransBolloMarika Sareak deitutako elkarretaratzean.


2018-02-19 | Miren Osa Galdona
Ekairi babesa adierazteko elkarretaratze ugari egin dira Euskal Herrian

Asteburu osora zabaldu dira Ekai Lersundi bere buruaz beste egin zuen 16 urteko mutil transexuala oroitzeko ekitaldiak. Ondarroan, bere jaioterrian, larunbatean egin zuten. Iruñean eta Donostian igande eguerdian bildu ziren Transfobiak hiltzen gaitu lelopean. Gasteiz eta Bilboko bilkurak astelehen arratsaldean izango dira. 


2018-02-18 | Ander Perez
Dau García Dauder. Aniztasuna ikustarazten
"Dualismoaren tirania birpentsatu beharko genuke"

“Gorputzen aniztasuna” da intersexualitatea García Dauderrentzat. “Lekzio bat”, haren hitzetan, gizon eta emakume eskematik harago bestelako gorputzak daudela erakusteko. Hain zuzen, logika dualista horri aurre egiten dihardu, bai militantzia arloan, eta baita akademian ere. Txikitatik aniztasuna erakustea nahiko luke, gizartearen begirada dualistarekin bukatzeko.


Azkenak
EGILEA
Eguneraketa berriak daude