Bidasoan hildako migratzailearena “iragarritako heriotza” izan dela salatu du Irungo Harrera Sareak
Boli Kostatik zetorren 38 urteko gizonezkoaren gorpua ibaian aurkitu zuten. Igandean elkarretaratzea egin du Irungo Harrera Sareak, eta instituzioei “gehiago” egiteko eskatu diete.
Aurten Euskal Herrian migrazio bidean hil den zazpigarren pertsona izan da. Larunbatean aurkitu zuten hilotza Irunen, Bidasoa ibaian, Endarlatsa inguruan. Boli Kostatik zetorren gizonezkoa, eta 38 urte zituen. Irungo Harrera Sareak igandean “dolu eta salaketa” elkarretaratze jendetsua egin du herriko udaletxe parean, eta “harrera-politika txarren beste biktima bat” dela salatu dute. Ohar batean nabarmendu dute “iragarritako heriotza” izan dela, azaro hasieran ohartarazi baitzuten baldintzak betetzen ari zirela Europa iparralderako migrazio-bidaian dauden pertsonak “beharrezkoak ez ziren arriskuak hartzera bultzatzeko”.
Eusko Jaurlaritzari, Gipuzkoako Diputazioari eta Irungo Udalari leporatzen diote erantzukizuna, eta kritikatu dute Gipuzkoatik Lapurdira igaro nahi duten migranteen “bizitzekin jolasten” ari direla, 100 metrora ikusten duten muga pasatzeko duten “etsipenaz” baliatuta: “Kalean lo egin behar izatearen perspektibaren aurrean, igerian pasatzeko arriskua hartzera bultzatzen ari dira”. Izan ere, boluntario sareak enegarren aldiz salatu du Irun eta Hendaia arteko muga “gero eta modu zorrotzagoan” itxi dutela eta, gainera, pasaeran dauden migratzaileei Irunen “harrera eskasa” egiten zaiela. Jakinarazi dutenez, azken astean gutxienez hamar laguni ukatu egin diete sarrera Gurutze Gorriak kudeatzen duen Espainiako Barne Ministerioaren zentrora, “irizpideak” betetzen ez zituztelako. Beraz, bertan “tokia egonik ere”, etxe partikularretan hartu behar izan dituzte.
Irungo Harrera Sareak aldarrikatu du hamaikagarren aldiz errepikatuko dutela erakunde guztiek “gehiago” egin dezaketela igarobidean dauden migranteen “sufrimendua arintzeko”: “Ez digu balio erakundeetako ordezkarien kexak entzuteak mugako itxierari buruz edo pertsonen bizitzaren garrantziari buruz, hori saihesteko beren esku dagoen guztia egiten ez badute”. “Benetako harrera politikak” eskatu dituzte.
Santiago zubian elkarretaratzea
Gaur, astelehena, 19:00etan elkarretaratzea egingo dute Bidasoa gainetik igarotzen den eta Irun eta Hendaia batzen dituen Santiago zubian. Irungo Harrera Sareak bat egingo du Etorkinekin, Diakite, La Cimade eta Elkartasuna Larrun elkarteekin. Ipar eta Hego Euskal Herriko herritarrak zubiaren alde banatik abiatuta giza katea egitera deitu dituzte, eta kandelak eta suziriak eramatea proposatu dute.
?? *ELKARRETARATZEA / CONCENTRACION* ??
? Azaroak 22 Noviembre
?19:00
? Puente de Santiagoko Zubia
— Irungo Harrera Sarea (@IrungoHS) November 21, 2021
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.
Kanaria Uharteetako El Hierro irlan gertatu da ezbeharra: itsasertzetik bost metrora zeudela eman du buelta ontziak. 160 pertsona inguru zihoazen ontzian.
Europako Batzordeak beste urrats bat eman nahi du migrazioaren kontrako politikak gogortzeko bidean: deportaturiko migratzaileek ez lukete zertan harreman zuzenik izan behar hirugarren herrialde "seguruak" deiturikoekin, hara kanporatuak izateko.
Politikan, gizartean eragiteko nahiaren eta identitate zeinuetan sakontzearen arteko tentsioa ekidinezina da. Zabaltzearen eta norberaren ezaugarriak indartzearen arteko hartu-emana politikaren adierazle baita. Bi arloak lortu nahi izaten dira, eta elkarren artean elikatzen... [+]
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]