Bidaia asegurua erostean, "aseguratzen" duzun bakarra engainatuko zaituztela da


2020ko uztailaren 13an - 09:09

Ba al zenekiten bidai aseguruek beraien betebeharrak bertan behera utzi dituztela COVID-19 garaietan? Eta ba al zenekiten Ekonomia Sozial Eraldatzailearen barruan kokatzen diren batzuk ere pertsonen beharrak alboratu dituztela haien poltsikoei begira?

Ea bada, nire kasua kontatuko dizuet, egun hauetan heldu zaizkidan informazioen arabera nahiko ohikoa den arren. Euskal Herritik kanpora denboratxoa pasatzen dugunok, eta gehienbat nekazari eta indigenen komunitateetan denbora ematen dugunok, bidai asegurua kontratatzen dugu normalean: gaixotzen bagara, bidaiak bertan geratzen badira, lapurtzen bagaituzte edota beste atsekaberen bat izatekotan lasai egoteko, eta gauden tokian egonda bertako herri mugimenduentzat zama ez izateko... badakizue, nonbaitera baldin bazoaz, agian ezin izango duzu askorik lagundu, baina behintzat bertako dinamika ez zapuztu!

"Gure bidaia aseguruek badute klausula bat zeinaren arabera “epidemia edo bat-batean agertu eta berehala kutsatzen diren infekzio gaixotasunen kasuetan” ez dituzten gastuak kitatzen. Norbaitek aurreikusi al du hori asegurua erosterakoan? Nik ez"

Oraingo honetan oso pozik erosi nuen, behingoz eta lagun baten aholkuari esker Ekonomia Sozial Eraldatzailearen barruan kokatzen den Arç Cooperativa topatu nuelako. Dirua ekonomia alternatiboan mugitzeaz gain, bestelako lasaitasuna eman zidan horrek.

COVID-19ak ordea, erakutsi digu gure bidaia aseguruek badutela klausula bat zeinaren arabera “epidemia edo bat-batean agertu eta berehala kutsatzen diren infekzio gaixotasunen kasuetan” ez dituzten gastuak kitatzen. Norbaitek aurreikusi al du hori asegurua erosterakoan? Nik ez... nire errua izango ote da! Norbaitek pentsatuko du pandemian gaudela eta ez epidemian, Osasunaren Mundu Erakundearentzat bi gauza diferente dira, aseguru etxeentzat ez ordea.

Asegurua bera Europ Assistance aseguru etxekoa da (https://www.europ-assistance.es/sobre-nosotros/quienes-somos). Egindako erreklamazioen harira, COVID-19ak baldintzatutako kasu guztietan aseguru barik geratu naiz. Bidai batzuk bertan behera geratu ziren Brasilen (non bidai asko oraindik ere egiten diren koarentena oso malgua egiten ari direlako) eta aseguru etxeak esan zidan kaltea ez zidatela ordainduko, kononabirusak eragindakoa denez. Orduan piztu zen nire alerta eta bestelako galderak egitea bururatu zitzaidan: Argentinatik ezin naiz atera eta horrek bisatu gastu berriak sortaraziko dizkit, pandemiaren errua denez, aseguruak ez dit ordainduko. Gaixotzen banaiz ere, edozelan gaixotuta ere, erantzuna berdina izango da, abisatu didate.

Jakin badakigu aseguruen lana ordaintzen ez saiatzea dela, eta beraz, azaroan urte osorako erositako asegurua izan arren, martxotik aurrera aseguru gabe geratu naizela jakin izan dut. Izan ere, aurkeztutako kasu eta galdera guztiei emandako erantzuna klausula hori izan da.

"Horrelako aseguruak Ekonomia Sozial Eraldatzailearen barne kokatu ahal izango ditugu inoiz? Nire iritzi apalean, ez behintzat gure osasunaren gainetik beraien diru zorroa jartzen duten bitartean"

Kasua are larriagoa da, asegurua Ekonomia Sozial Eraldatzaile arloko Arç Cooperativaren bidez erosi nuelako (aseguru artekaritza da Arç). Beraien erantzuna aseguru etxearekin bitartekaritza lanetan lagunduko zidatela izan zen eta ez zela beharrezkoa kasua publikoa egitea, beraiek beti ere jendea lehenesten dutelako. Jaso nuen azken berria, Europ Assistancek niri bidalitako erantzuna eskatzea izan zen, eta horren ostean ezer gehiagorik ez, hilabete pasatu da. Aurretik, dirua bueltatzeko eskatu nien (745€ ordaindu nituen) eta erantzuna kasu honetan, isiltasuna izan zen; negoziatzeko saiakerak ere bertan behera geratu ziren erantzukizuna aseguru etxearena dela esaten zidatelako. Beste batzuen kasua ere badelako edo izango delako erabaki dut kasua publikoa egitea.

Klausula honen existentziarekin, galdera batzuk datozkit burura... oraindik ere bidai aseguruak salduko dituzte? Gauden egoeran eta datozen hurrengoetan gure diruarekin geratuko dira? Zertarako balio du bidai aseguru batek orain? Nire aholkua momentuz, bidai asegururik ez kontratatzea da (orain arte kontrakoa pentsatu izan badut ere)... Eta nire zalantza: horrelako aseguruak Ekonomia Sozial Eraldatzailearen barne kokatu ahal izango ditugu inoiz? Nire iritzi apalean, ez behintzat gure osasunaren gainetik beraien diru zorroa jartzen duten bitartean.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Irakurrienak
Matomo erabiliz
Azoka
Kanal honetatik interesatuko zaizu: Iritzia
Materialismo histerikoa
Erabakimena

Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]


2024-04-21 | Ula Iruretagoiena
Lurraldea eta arkitektura
Eraikinaren gorputza

Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]


2024-04-21 | Diana Franco
Teknologia
Indarkeriatik deskonektatu

Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.

Eremu... [+]


Etxebizitza arazoa eta lan-mundua

Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.

Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]


Eguneraketa berriak daude