Bi urtetik gorako kartzela-zigorra ezarri dio Black Marfil abeslariari Iruñeko auzitegi batek
Bere abestietako letretan Udaltzaingoari eta haien senideei mehatxu egitea egotzi diote artistari. 25 hilabeteko zigorra ezartzeaz gain, Youtubeko kanala itxiko diote.
Iruñean (Nafarroa) epaitu zuten iazko abenduan Black Marfil rap abeslaria, bere kantuetako letrarengatik. Udaltzainei eta haien familiei "mehatxu kolektiboak" egitea leporatzen zioten artistari, eta akusazioa ontzat eman du epaileak: 25 hilabeteko espetxe-zigorra jarri dio abeslariari. Gainera, bere Youtubeko kanala ixtea agindu du eta datozen hiru urteetan antzeko zabalpen-bideak erabiltzea debekatu dio. Epaiari helegitea jartzeko aukera dauka orain akusatuak.
Zehazki, Fuck a Cripa 02 nahiz Atraco abestiak zirela-eta auzipetu zuten Black Marfil. "Corre, sinpa [sin papeles], matar al hijo de un munipa" dio kantuetako batek, eta "Si matas a un policía, matas a cinco" besteak.
Akusazioa egitean, fiskaltzak argudiatu zuen abeslariak "bere abestian zer esaten zuen bazekiela eta mehatxuzko zein larderiazko jarrera bat hartzen" zuela, bideoklipetako bati erreferentzia eginda. Polizia-indarrarekiko "gorrotoarekin" lotu zituen letrak, gainera. Valtònyc rap abeslariaren kasua (bere letrengatik epaitu eta zigortu zuten hura ere) gogorarazi zuen fiskaltzak, eta adierazi zuen bi kasuetan "gainditzen" direla "adierazpen askatasunaren mugak".
Zigor Kodeko 170. artikulua hartu omen du oinarri modura Iruñeko epaileak. Artikulu horren arabera, akusatu bat zigortu daiteke "delitu den gaitz baten mehatxuak herri, talde etniko edo kultural, kolektibo sozial edo profesional bateko biztanleak beldurtzeko badira, eta hori lortzeko behar den larritasuna badute".
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.