Asteazken arratsaldean gertatu zen istripua, Lapuebla de Labarkako Espada Ojeda upategian. Ertzaintza eta Osalan gertaturikoa ikertzen ari dira.
Arabako Errioxan jazo da ezbeharra, Lapuebla de Labarka herrian. Asteazken arratsaldean, Espada Ojeda upategian lanean ari ziren bi langilek bizia galdu zuten lan istripu baten ondorioz.
Eusko Jaurlaritzako Segurtasun Sailak emandako informazioaren arabera, arratsaldeko 19:40 aldera gertatu zen istripua. Bi langileetako bat mahatsez beteriko andel batera erori zen. Bigarrena langilea laguna laguntzen saiatu zen, baina andelera erori zen bera ere. Ardoaren hartzidura prozesuan askatzen diren gas toxikoen ondorioz, langileek kordea galdu zutela uste da.
Zendutakoek 53 eta 56 urte zituzten. Daniel Espada, herriko alkate izandakoa da horietako bat, eta honen senidea bestea.
Ertzaintza eta Osalan gertaturikoa ikertzen ari dira.
Istripu honekin 52 lirateke aurten Euskal Herrian hildako langileak, eta beste langile batek desagerturik dirau Zaldibarko zabortegian.
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.
Urtea hasi denetik lanean hildako zazpigarren langilea da. Astebeteko epean, bost behargin zendu dira.