Beste milioi bat euro eman die Jaurlaritzak erdarazko hedabideei
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk euskaraz argitaratzearren.
Hizkuntza Politikarako sailburuorde Miren Dobaran Urrutiak sinatutako ebazpenaren arabera, "nagusiki gaztelania darabilten hedabideetan euskararen erabilera areagotzeko" diru-laguntzak banatu ditu Jaurlaritzak beste urte batez. Iaz bezala, milioi bat euro banatu dute eta gehiengoa Noticias taldeko hedabideak, Naiz-Gara eta El Diario Vascok jaso dute.
Noticias taldeari –Diario de Noticias de Álava, Noticias de Gipuzkoa eta Deia– 431.595 euro eman dizkiote, iaz baino 73.000 euro gehiago. Naiz-Garak 306.440 euro jaso ditu eta El Diario Vascorentzat 161.965 euro. Gainerako diru kopurua ondorengo hiru hedabide eta albiste agentziaren artean banatu dute: Segura Irratia (50.000 euro), Europa Press (29.162 euro) eta Agencia de Noticias (20.838 euro).
Beste 6.000.000 euro bidean
Ebazpena hau kaleratu du Jaurlaritzak, nagusiki erdarazko hedabideentzat izango den ezohiko beste diru-laguntza handi bat tramitatzen ari den bitartean. Lakuako Gobernuak "laguntza" iragarri zuen uztailaren amaieran, aurretik, 2021ean eta 2022an “COVID-aren ondorioei aurre egiteko” banatu zituzten. Aurten, "adimen artifizial sortzaileak zabaltzen dituzten edukien sorkuntzan, lanketan eta argitalpenean duen eragin negatiboa minimizatzera eta desinformazioari aurre egitera" bideratuko dituzte sei milioi euro, hedabide batzuen artean banatzeko –2021ean diruaren %93,4 gaztelaniazko hedabideentzat izan zen–. Ikusteke dago ea ARGIA, hirugarren urtez, aurten ere laguntza hauetatik kanpo utziko duten, egunkarientzat, irratientzat, telebistentzat, tokiko komunikabideentzat eta hedabide natibo digitalentzat bideratu baitute deialdia, aldizkariak-eta kanpoan utzita. Edonola ere, sektorean jakina da diru-laguntza honen helburua dela zenbait egunkariren arazo ekonomikoak konpontzea, tartean Deiarena.
ARGIAk aspaldi du harremana Alemaniako Red.media hedabidearekin, beren bideo batzuk topatuko ditu irakurleak ARGIAren webgunean. Baina haien aurkako jazarpen kanpaina baten ondorioz proiektua ixtea erabaki dute. Red-eko kideek arrazoiak publikoki azaldu dituzte eta artikulu... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty... [+]
USAIDen inguruko txolopotearen ondoren, espero beharrekoa zen. Baina, hala ere, urte askotan haien jarraitzaileak izan garenok, samin-puntu batekin hartu dugu albistea. Martxoaren 15ean, Trump administrazioak, kolpetik, erabat itxi baitu United States Agency for Global Media... [+]
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.