Beste lau euskal preso gerturatuko ditu Espainiako Gobernuak
Mikel Orbegozo, Xabier Tximeno, Igor Gonzalez Sola eta Gorka Fraile Iturralde dira Espainiako Gobernuak Euskal Herrira hurbilduko dituen hurrengo presoak. Azken pauso honek, espetxe legediaren aldaketa islatzen duela deritzo Barne Ministerioak.
Espainiako Gobernuak lau preso gehiago gerturatuko ditu Euskal Herrira astelehenean jakinarazi dutenez. Beste ia ehun euskal presorekin batera, espetxeko lehen gradutik bigarren gradura pasatzeko eskaera egina dute dagoeneko Berrian irakur daitekeenez.
Orbegozo Badajozko espetxetik Valladolidera lekualdatuko dute 600 kilometro baino gehiagoko distantzia murriztuz. Hamabi urteko kartzela zigorraren hiru laurdenak 2015ean bete zituen.
Tximeno Alacanteko kartzelatik Burgosera hurbilduko dute eta bisitatzera joan nahi duten senide eta lagunek ia 1.000 kilometro gutxiago egin beharko dituzte. 30 urteko zigorra betetzen ari da.
Gonzalez Solaren kasuan, Madrildik Soriara eramango dutela adierazi dute berri agentziek, Euskal Herritik 200 kilometro gertuago. 20 urteko zigorra ezarrita 2005ean espetxeratu zuten.
Azkenik, Fraile Iturraldek, Kartzinoma epidermoidea izeneko gaixotasun larria pairatzen du. Badajoztik Kantabriara lekualdatuko dute, 800 kilometro inguru gerturatuz. 1998. urtean espetxeratu zuten eta 25 urteko zigorra betetzen ari da.
Azken lau espetxeratuen gerturaketak, aurretik egin ziren Euskal Preso Politikoen Kolektiboko beste sei euskal presoen hurbilketei gehituko zaie.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]