Beste kazetari bat hil dute Luhansken, ibilgailu blindatu batean zihoala erasotuta

  • Frédéric Leclerc-Imhoff izena zuen 32 urteko berriemaileak, eta BFNTV telebistarentzat ari zen lanean. Ebakuazioko kamioi blindatu batean zeramaten beste hamar bat lagunekin, eta Errusiako militarrek eraso egin diete, Serhiy Haidai Ukrainako armadaren Luhanskeko buruaren arabera.


2022ko maiatzaren 30an - 19:00
Metrailak ibilgailuko blidajea pasatu du. / Argazkia: Serhiy Haidai, Telegram.

Severodonetsk hirian hil dute Frédéric Leclerc-Imhoff, Luhansken. Serhiy Haidai Ukrainako tropen zonaldeko buruzagiak eman du ezbeharraren berri, astelehenean bertan. Horren arabera, Errusiako armadak eraso egin du, hamar bat lagun zibilen ebakuaziorako ibilgailu blindatu batean zihoazela, horien artean 32 urteko kazetari akreditatua. Metrailak ez du zuzenean jo ibilgailua, baina puska batzuek blindajea pasatu dute eta Leclerc-Imhoff lepoan larri zauritu. BFNTV katearentzat ari zen lanean. Emmanuel Macron Frantziako presidenteak baieztatu du gizonaren heriotza.

Mugarik Gabeko Kazetariak GKEren esanetan, gutxienez zortzi kazetari hil dituzte Ukrainako gerran berriemaile zebiltzala. Oksana Baoulina kazetari errusiarra, Pierre Zakrzewski kameralari frantses-irlandarra, Olexandra Kouvchinova kazetari ukrainarra, Brent Renaud dokumentalgile estatubatuarra, eta Evgueni Sakoun kameralari ukrainarra, besteren artean.


Kanal honetatik interesatuko zaizu: Ukrainako gerra
Zer dira Mendebaldearen mehatxuei erantzuteko Errusiak erabiltzekoak dituen arma nuklear taktikoak?

Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]


2024-04-24 | Axier Lopez
Propagandarako tresna berria Ukrainan

Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]


2024-04-24 | Axier Lopez
Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]


Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Eguneraketa berriak daude