Bertako produktuak sustatzeko akordioa egin dute lehen sektoreak eta Eusko Jaurlaritzak
Landa eta itsas eremuko eragileek eta Eusko Jaurlaritzak akordioa sinatu dute jendarteko kontsumo ohiturak aldatu eta lehen sektorea indartzeko helburuz. Nirea egitasmoaren aurkezpenean ez dute ekintza zehatzik azaldu; atxikimenduak eta konpromisoak lortu nahi dituzte.
EAEko lehen sektoreko elkarte ugarik egin dute bat Nirea egitasmoan: EHNE eta Enba sindikatuek, ENEE elikadura ekologikoaren kontseiluak, Bizkaia eta Gipuzkoako arrantzaleen kofradiek, Nekaturrek eta Euskadiko Elikaduraren Klusterrak. Eusko Jaurlaritzako Ekonomiaren Garapen eta Lehiakortasun sailaren babesa izango du: “Bi mundu harremandu nahi ditugu, fisikoki gertu daudenak, baina kulturalki urrutiratzen ari direnak”, dio akordioaren agiriak. Landaz eta hiriaz ari da. Asmoa da herritarrak jabetzea bertako produktuak erosiz inguruko eredu ekonomiko, kultural eta sozialean eragin dezakeela. Egun lehen sektoreak EAEko BPGaren %1,8a sortzen du eta 33.000 lagun bizi dira bertako ekoizpenetik.
Ez dute ekimen zehatzik azaldu, ezta aurrekonturik ere. Dekalogo bat osatu dute eta beste erakunde eta eragile sozioekonomikoengana joko dute lehenik, printzipio horiekin bat egin dezatela eskatzeko. Dena den, herritarren konpromiso pertsonala egitasmoaren zutoin izatea nahi dute.
EHNE-Bizkaiaren ustez, beharrezkoa da beste eragileak inplikatzea eta “edukiz betetako” sare bat sortzea: “Definizio handiagorik gabe, Nireak porrot egingo du seguru”, dio sindikatuak.
Abeltzaintzan lan egiten dutenek oreka bilatzen dute: animalien bizi kalitatea ahalik eta onena izatea eta ekoizpenaren bideragarritasun ekonomikoa lortzea. Gizakiok munduari muga fisiko ugari jarri dizkiogu “geurea” dena babeste aldera, “geure”... [+]
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]