ARGIA.eus

2021eko ekainaren 16a

Beroagatik izaten diren heriotzen herena baino gehiago klima aldaketak eragindakoak dira

  • Munduan urtero beroak eragiten dituen heriotzen %37 klima aldaketari egotzi dio nazioarteko ikerketa berri batek, arlo honetan orain arte egin den handiena. Hego Euskal Herriko hiriburuen datuak ere ageri dira: 33 pertsona hiltzen dira urtero lau hiriburuetan klima aldaketak eragindako beroagatik.

ARGIA @argia
2021eko ekainaren 01a

43 estatutako 732 hiritako datuak aztertu dituzte Suitzako Bernako Unibertsitateko eta Londresko Higiene eta Medikuntza Tropikaleko Eskolako ikertzaileek. Alderatu dituzte beroaldiek iraganean eta gaur egun eragindako osasun kalteak, eta hortik zehaztu dute hildakoen zein kopuru den klima aldaketa antropogenikoari egotzi dakiokeena.

Gero eta okerrago

Bi ondorio nagusi atera dituzte: batetik, klima aldaketari lotutako heriotza hauen kopuruak gora egitea aurreikusten da. Munduko Metereologia Erakundeak esana du hurrengo bosturtekoan biziko dugula historiako urterik beroena. “Beroarekin lotutako heriotzen proportzioak gora egingo du, aldaketa klimatikoaren aurka zerbait egiten ez badugu edo bero hauetara egokitzeko ezer egiten ez badugu”, adierazi dute azterketaren egileek.

Bestetik, ikusi dute hego hemisferioko lurraldeak direla heriotza hauengatik kaltetuenak, hain juxtu berotegi-gas gutxien isurtzen duten lurraldeak. Erdi eta Hego Amerika (Ekuador eta Kolonbia, adibidez) nabarmentzen dira ikerketan, baita Kuwait eta Iran herrialdeak ere, besteak beste. Dena den, ikerketak mugak dituela adierazi dute egileek, Afrikako edota Asia hegoaldeko herrialde ugari ezin izan dituztelako aztertu, datu faltagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Larrialdi klimatikoa  |  Heriotza

Larrialdi klimatikoa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude