Tourra igarota, itxi egin dute Irun eta Hendaia arteko oinezko pasabidea, berriro
Avenida zubiak 24 ordu eskas baino ez ditu eman zabalik. Frantziako Gobernuak atzera ere itxi egin du, astelehen arratsaldean txirrindulariak Lapurdira pasa ondoren.
Bi urteren ostean, astelehenean ireki dute Gipuzkoa eta Lapurdi batzen dituen Irungo Avenida zubia, oinezko pasealekua. Goizeko 06:00ak aldera hasi ziren Frantziako Gobernuko langileak 2021eko urtarriletik ezarria zegoen hesia kentzen, altxatzen, eta bi herrietako alkateek eskua emanda ospatu zuten "lorpena".
24 ordu ere ez ditu iraun, baina: astearte goizerako atzera ere itxi dute bi herrien arteko oinezko pasabidea. Astelehen arratsaldean igaro zen Frantziako Tourra Irundik Hendaiara, Avenida zubitik, eta bitarte horretan egon zen irekita –publikoarentzat itxita egon zen–. Behin txirrindulariak Frantziako administrazioaren lurretan sartuta, ordea, itxi egin dute hesia.
2021eko urtarrilean itxi zuen Frantziako Gobernuak bi herrien arteko oinezko pasabidea. Erakundeek, elkarteek eta gizarte mugimenduek maiz egin dute irekitzeko eskaera, eta oraingo honetan baiezkoa eman du Frantziako Gobernuak.
Bi herrialdeetako Polizien “kooperazio handiagoa” nahi luke Frantziak, bere ustez, “bigarren mailako mugimenduak” daudelako oraindik ere bi estatuen artean. Urtarrilaren 19an batzartuko dira bi agintari nagusienak Bartzelonan, Laguntasun eta Kooperazio... [+]
Frantziako polizien presentzia eta kontrola etengabea da Irun eta Hendaia artean, eta beste sei hilabeterako berritu du kontrola Frantziako Gobernuak. Migratzaileen joan-etorria oztopatzea helburu duten kontrolak direla ulertuta, eragile ugarik protesta egin dute mugako zubian,... [+]
Martxoaren 12an desagerturiko etorkina ote den ikertzen ari dira. Egun horretan Bidasoa ibaia zeharkatzen saiatu ziren hiru migrante; haietako bik Biriatura heltzea lortu zuten, baina hirugarrena desagertu egin zen.
Migrante eta iheslari guztientzat bide seguruak eta erregulazioa eskatu dituzte Trintxerpe eta Donostia batu dituen Arrazakeriaren eta Xenofobiaren Aurkako 25. martxak.