Begoña Urroz DRILek hil zuela adierazi du Terrorismoaren Biktimen Memoriaren Zentroak, kasuaren bueltako gezurrekin amaituz
Urteetan, Espainiako Estatuko hainbat erakunde eta hedabidek ETAri egotzi izan diote Urroz haurraren hilketa, nahiz eta hainbat zantzu zeuden hori ez zela hala iradokitzera zatozenak.
Terrorismoaren Biktimen Memoriaren Zentroak Begoña Urroz haurraren hilketari buruz esandakoak urteetako polemikari amaierako puntua jarri diola dirudi. Urte luzez Espainiako erakunde eta hedabide hainbatek ETAri egotzi diote Urroz haurraren heriotza, erakunde armatuaren lehen biktimatzat joaz. Alabaina, Terrorismoaren Biktimen Memoriaren Zentrotik jasotako azken informazioek adierazi dute DRILek hil zuela Urroz, eta ondorioz orain arte leherketa ETAri leporatu dion hedabideetako bat den El Pais egunkariak kasua ebatzitzat jo zuen asteazkenean: Polemikaren amaiera: DRILek hil zuen Begoña Urroz haurra, zioen titularrak.
Terrorismoaren Biktimen Memoriaren Zentroko ikerlari eta arduradun Gaizka Fernández Soldevillak eskuratutako Espainiako Poliziaren txosten baten ondotik aitortu zaio DRILi Urrozen hilketa. Fernándezek Urrozen heriotza eragin zuen leherketa gertatu eta astebetera Espainiako Poliziak osatutako txostena eskuratu du, zeinak argi jotzen duen DRIL 1960ko ekainaren 27an Donostiako Amara geltokian jazotako atentatuaren egile gisa.
Alabaina, aurreragotik ere baziren hainbat froga eta informazio Urroz DRILek hil zuela adieraztera zetozenak. 2011ko otsailaren 20an Ainhoa Oiartzabal kazetariak kasuaren bueltan landutako erreportaje zabala argitaratu zuen Berriak, eta bertan jasotzen ziren testigantza eta frogek aditzera ematen zuten ETAk ez zuela zerikusirik izan atentatuan, eta egilea DRIL zela. Kazetari berak Espainiako Poliziaren txosten baten berri eman zuen 2013an, zeinetan DRILi egozten zitzaion atentatuaren egiletza.
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Jose Miguel Etxeberria Naparra-ren gorpua bilatzeko bigarren saiakera kontatzen duen dokumentala interneten ikusi daiteke asteazken honetatik aurrera. Igandean ekitaldia egingo dute, Batallon Vasco Españolek iruindarra duela 45 urte bahitu eta desagerrarazi zuela... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.