Baztango Udalak Aroztegiko proiektuaren kontra ari diren herritarrei elkartasuna adierazi die
Elkartasuna agertzearen aldeko boza eman zuten EH Bilduren eta Ezkerraren zortzi hautetsiak eta kontrakoa Navarra Sumaren eta Geroa Bairen bortzak
Ostegunean egin zen ohiko osoko udal bilkuran Aroztegiko gaia premiazko hizpide izan zuten, EH Bilduk aurkeztu zuen idatzia tarteko. EH Bilduren mozioa onartu zuen udalbaltzaren gehiengoak EH Bilduren eta Ezkerraren aldeko zortzi botoekin eta Navarra Sumaren eta Geroa Bairen aurkako bortzekin.
Hartutako erabakiarekin, bertze behin, Baztango Udalak Aroztegiko proiektuari buruz duen desadostasuna agertu du. Aldi berean, Baztango udalak udalez gaindikoa den plan sektoriala baliogabetu dezan eskatu dio Nafarroako Gobernuari eta foru intereseko izendapena kendu diezaiola. Nafarroako Gobernuaren utzikeria ere salatu du udalak, gobernuarena den kontratu publikoen epaimahaiaren ebazpena ez betearazteagatik. Bertzalde, Lekarozen bizi duten polizien presentzia itogarria salatu du eta poliziak hortik lekutzeko galde egin. Azkenik, proiektuaren kontra ari diren herritarrei eta Lekarozko herriari elkartasuna adieraztea onartu zuen Baztango Udalak.
«Baztango erakundeak eta ahalmenak errespetatzen ez dituen proiektu urbanistikoa»
Baztango Udalak onartu zuen mozioan ageri denez «Lekarozko Aroztegiko proiektu urbanistikoa lekaroztarren eta baztandarren nahiaren gainetik egin da, Baztango erakundeak eta ahalmenak errespetatu gabe». Modu berean, idatziak erraten du «UPN eta Geroa Bai buru izan duten Nafarroako Gobernuek udalez gaindikoa den plan sektorialaren bidez 45 hektarea oihan eta nekazaritzako lur birkalifikatu dutela. Bailarako bizitegien beharrarekin zer ikustekorik ez duen jokaldi urbanistikoan, hutsetik 228 unifamiliar egiteko». Nafarroako Gobernuak Aroztegikoa udalez gaindikoa den plan sektorial bezala onartu izana «aski harrigarria» da udalaren erranetan, «gobernuak berak lehendabiziko proiektuaren eskaria udalean tramitatzeko erran baitzuen, udaleko planaren aldaketa egituratzailearen bidez».
«Luxua foru interesekoa izendatzea harrigarria da»
Bertzalde, atzo onartutako idatziak dio Nafarroako Gobernuak Aroztegikoa foru intereseko proiektu izendatu zuela, eta harridura agertu du «luxuzko hotela, golf belaia eta 228 familia bakarreko etxe foru intereseko izendatzeagatik». Modu berean, «burugabekeria horrek izan duen babesle politiko garrantzitsu batek, Manu Aierdik, dimisioa eman behar izan zuela bertze proiektu ekonomiko batek ekarri dion salaketa judizialarengatik» nabarmendu du mozioak.
«Betiere, –dio onartutako mozioak– Aroztegiko banaketa eremuaren bidez herriko nekazari eta lur jabe ttikien lurrak eta baztandarren herri-lurrak pelotazo horren menpe utzi dituzte, Aroztegiko konpentsazio batzordearen erabakien gain». Aipagarria da, udalaren ustez, «Lekarozkoa den ermitaz jabetzeko sustatzaileak egin duen eginahala».
«Baztanen 860 etxe huts daude eta 520 etxe bigarren bizitegia dira»
Gainerakoan Udalaren idatziak salatu du «Lekaroz ondoan 800 biztanleko herrigune berri bat sortu nahi dutela, 228 familia bakarreko etxe berri egiteko, Baztanen 860 etxe hutsik daudenean, edo 520 etxe bigarren bizitegi gisa erabiltzen direnean».
Bere garaian Amaiurko Kisua alderdian ere iduriko proiektua egin nahi izan zutela gogoratu du Udalak; «eta orduan Amaiur eta Arizkungo herriko batzarretan hango proiektuaren kontra agertu ziren. Gaur egun alderdi horretan 8 hektareako sagardi ekologikoa dago, lurrarekin lotutako proiektu ekonomikoa eta lanpostuak».
Bertzalde, atzo onartutako idatziak dio «Palacio de Arozteguíak eztabaida soziala galdurik, proiektuaren kontrako iritzia isilarazten saiatu da, herritarren eta hautetsien kontrako salaketa judizialekin». Baldintza horietan proiektua hasi dute, martxoaren 18an zuinketa-akta sinatuz.
Baina urbanizazio lanak hasi ahal izateko, urbanizazio lanen-esleipena baliogabetua du Nafarroako Kontratu Publikoen Epaimahaiak. Eta Nafarroako Auzitegi Nagusiak epaiarekin berretsia. «Epaia irmoa ez izanagatik, Palacio de Arozteguíak lanak hasi ditu –dio onartutako mozioak–. Nafarroako Gobernuak udalez gaindikoa den plan sektoriala onartu ondotik, birpartzelazio plana eta urbanizazio proiektua, orain ez ikusiarena egiten du berea den kontratu publikoen epaimahaiaren ebazpena betearazteko».
Testuinguru horretan herritarrek proiektuaren kontrako kanpaldia hasi dute, lanak geldiaraziz; eta testuinguru horretan poliziaren «presentzia jasangaitza» gertatu da Lekarozen, Lekarozko alkatetzako taldeak idatziarekin salatu duenez.
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.