Baztango Aroztegia Jauregia Hilton luxuzko hotelen multinazionalari esleitu diote
Asteazkenean Iruñean jakinarazi dute –gaztelania hutsez egindako prentsaurrekoan– Lekarozen egiteko asmoa duten Aroztegia makro-proiektuaren hotela Hilton luxuzko kate multinazionalari esleitu diotela. Makro-proiektu honen aurkakoak ere izan dira agerraldian eta amaieran bonba-kirastuna bota dute, ARGIAri adierazi diotenez.
aurre egingo dieten hedabide independenteak
"Baztan eta Nafarroa osoaren etorkizunaren alde" egindako proiektu turistikoa dela adierazi du Salvador Urbistondok, Aroztegia proiektua sustatu duen enpresariak. "Identitatea, benetazkotasuna eta pertsonekiko eta ondasunekiko errespetua, jasangarritasuna eta armonia" dira, Urbistondoren hitzetan, makro-proiektu honen ezaugarriak. “Baztandarrek propio sentituko duten hotela izatea nahi dugu”, gaineratu du AEBetan sortutako Hilton multinazionalak Espainiako Estatuan duen ordezkari Carlos Mirok.
Hotel Palacio de Arozteguía Baztan Curio Collection by Hilton izango da XIV. mendeko Lekarozko jauregiaren izen berria, "turismo integrala" eskainiko duena, Sabadell bankuko aholkulari ere baden Urbistondoren hitzetan. Hotelarekin batera, 226 etxebizitzako urbanizazioa, golf zelaia, fitness zonaldea, igerilekua, "spa-weelnnes" zonaldea eta lorezaintza eskola bat ere izango ditu. Obrak hasiak dira jada, 126 logelako eta lau izardun hotela 2022an ireki dadin. Prentsaurrekoan, luxua hitza erabili ez badute ere, “goi mailako” turistentzako eskaintza izanen dela iradoki dute. Enpresariaren hitzetan, 65-70 langile izanen ditu hotelak eta Baztango biztanleei eman nahi diete lehentasuna.
_def.jpg)
AEBetako Hilton multinazionalak 6.000 hotel inguru kudeatzen ditu munduko 117 herrialdetan. Tokian tokiko komunitateekin lotura oso estua dutela azpimarratu du Mirok, "Travel with Purpose" deitu dio hitzez hitz. Gogorarazi behar da Baztango Udala zein Baztango herritar asko proiektuaren aurka askotan azaldu direla azken hamarkadan.
Protesta 'kirastuna'
Prentsaurrekoaren amaieran, Aroztegiaren aurkako hainbat kidek bonba kirastun bat bota dutela jakinarazi diote ARGIAri, "proiektuari darion usaina" zabaltzeko.
Aroztegia, hasieratik sekretupean
Hotela eta spa egiteko ideia lehenagotik bazetorren ere, 2001ean Baztango familia bateko semeek Aroztegia erosi zutenean hasi zen proiektua gauzatzen. Inguruko bide publiko batzuk mozten hasi zirenean ohartu ziren Lekarozko herritarrak zerbait gertatzen ari zela, eta enpresak onartu zien bertan hotel bat egiteko asmoa zuela. 2008 arte, ordea, ez zen egungo urbanizazio proiekturik agertu. Urte hartan, Palacio de Arozteguia S.L. enpresa sortu eta aurreko enpresaren helburu soziala aldatu egin zuten: lehen helburu turistikoa bazuen, enpresa berriarekin proiektu urbanistikoa gehitu zen. UPNk abiatutako proiektua zena, Geroa Baiko Uxue Barkosen gobernuak bere egin zuen.
Ordutik Baztanen etengabea izan dira herritarren protestak, horrelako herri eta eskualde batean makro-proiektu turistiko honen eraginak kezkatuta. "Aroztegia, eta gero zer?" plataforma izan da aktiboena honetan.
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.