Badator Usopop 2016: nor da nor aurtengo kartelean?
Hemen da Usopop festibalaren zazpigarren edizioa. Larunbat honetan (maiatzak 28) eginen da Saran, Lizarrieta mendian.
Beti bezala, musika aukeraketa bikaina eta natura uztartuko ditu. Amorante, Drame, Evening Hymns eta Fùgù Mango taldeak ariko dira aurten. Bestalde, Negua-k hiru ataletako ikuskizuna aurkeztuko du.
Zuzeneko emanaldiak ez ezik, disko jartzaileak ere izanen dira. Aurten Beirut eta Martial Jesus disko jartzaileak ibiliko dira diskoak jirarazten.
Haurren txokoa, animazioa eta ostua ere izanen dira.
Amorante
Iban Urizar elgoibartarra Andrakan edo Joseba Irazoki band taldeetan aritu da. Aldi honetan, proiektu pertsonal batekin dator. Bakarrik oholtza gainean, haren ahotsaz lagundurik, hamaika tresna jotzen ditu zurrunbilo melodiko bat sortuz. Herri folkloreak nahasten ditu gure barne intimoak kilikatuz.
Drame
Rubin Steiner, Tours hiriko musikariaren proiektua da Drame. Dantzarako gonbidapena. Haien musika Krautrock etiketapean sailkatzen dute. Musika elektronikoa izan arren, soinu guziak zuzenean joak dira tresna sintetikoei edo baxuari kongak eta hainbat perkusio txertatuz. Trantzerako musika dantzagarria, XXI. mendeko akelarrearen soinua.
Evening Hymns
Gaueko himno horien atzean, Jonas Bonetta artisau kanadiarra aurkitzen dugu. Aurten atera duen Quiet energies hirugarren lanarekin folk-rock barnerakoitik harago joan da. Neil Young edo Tom Petty bere maisuen gisako classic rock doinuak entzun ditzakegu. Ipar amerikar lautaden usainak dituzten melodiak sortu ditu, elektrizitatea gehituz haren formulari.
Fùgù Mango
Talking Heads-eko David Byrne ala Yeasayer edo Vampire Weekend-en gisara, Fùgù Mangok doinu urbano eta modernoak erritmika afrikarrekin uztartzen ditu. Nahasketa honen adibide hoberena The Stanglers taldearen Golden Brownen bertsio bikaina da. Aurten Europako festibal anitz alaituko dituzte afrobeat eta 80 hamarkadako elektro-poparekin. Usopop 7 festibalari exostimoa eta besta giroa ekarriko diote.
Negua
Joan den urtean Bilaka konpaniak graziaz eta emozioz beteriko momentu gogoangarria eskaini zuen. Haien azken sorkuntza aurkeztuko dute aurten. Hiru ataletan zatikatzen da obra berria. Sakona eta misteriotsua une batzuetan, indartsua eta animista beste batzuetan, suak eta izotzak talka egiten dute. Horrez gain, musikari hirukote bat zuzenean ariko da obrari indarra biderkatuz.
Albiste hau Entzun!-ek argitaratu du eta haien baimenarekin ekarri dugu ARGIAra.
Larhun gailurrean, etxean, hartu dituzte Itziar, Dani eta Xanek hamaika musikari. Helburu argi batekin elkartu ziren bakarlari eta talde diferenteetako kideak: urriaren 30ean emanaldi bateratu bat eskainiko zuten Sarako Lur Berri aretoan, Mapa Galduak festibalari itxiera emanen... [+]
Anari, Asile Club, Efrim Manuel Menuck, Joseba Irazoki eta Lagunak, Lisabö, Lysistrata, Lankum, Madeleine eta This is the Kit musikariek hartuko dute parten jaialdian.
Datorren urtean beteko ditu hamar urte Usopop jaialdiak. Lagun artean sortu zuten, kalitatezko musika eta tratu humanoa erdigunean jarriz. Urtero saiatu dira gauza berriak probatzen, tokiekin esperimentatzen, baina tamainari eutsiz. Txikia da Usopop eta txiki nahi dutela diote... [+]
Lagunarteko ekimen bat izateko asmoz sortu zen jaialdia, dagoeneko maiatzeko azken asteburuko hitzordu finkoa bilakatu da. Hala, aurten bederatzigarren aldiz, maiatzaren 26an eta 27an Usopop Festibala eginen da.
Usopop Festibalaren kronika. Maiatzaren 27an, Saran. Taldeak: Totorro, Laish, Bigott, Petit Fantôme, Paxkal Irigoyen & Kontsumo Orkestra, Howdy SS.