Auto istripua izan dute asteburuan Iñaki Bilbao presoaren senideek
Dispertsioak eragindako urteko bigarren istripua izan da asteburuan, Etxeratek salatu duenez. Iñaki Bilbaoren bi senidek, Castelló II Albocasser kartzelatik zetozela istripua izan dute Arkaute inguruan, Araban.
Gasteizen egin dute prentsaurrekoan kontzentrazioak iragarri dituzte. Asteartean 19:00etan, Bilboko Areatzan, eta asteazkenean ordu berean Donostiako Udaletxe alboan eta Gasteizko Ama Zuriaren plazan.
Ondorengo irakurketa egin dute:
Guk bidaiatzen jarraituko dugu, hori da gure bisita eskubidearen prezioa. Baina ardura ez dagokigu guri. #DispertsioaSTOP
— Etxerat_Elkartea (@EtxeratElkartea) February 23, 2016
Ekimen berria abian
Dispertsioaren hegiak ekimena abian jarri duela iragarri du astelehenean Etxeratek, sakabanaketaren ondorioak pairatzen dituztenei aurpegia jartzeko asmoz. Lehen hitzaldia Bilbon emango dute, ostegunean 19:00etan, Burtsa eraikinean, haurren eta sakabanaketaren inguruan.
Salatu dutenez, “hainbat haur belaunaldi bizitza osorako jotzen ari den salbuespen politikaren hartzaileak ere badira adingabeak”.
