Amnistiaren Aldeko Mugimenduak (ATA) jakinarazi duenez, martxoaren 29an Auzitegi Nazionalera deitutako sei kideetatik lau ez dira epailearen aurrean aurkeztuko.
2015eko abuztuaren 29an Bilbon amnistiaren alde egindako manifestazioa antolatzeatik deitu ditu deklaratzera sei kideak, Carlos Urquijo Espainiako gobernu ordezkariak “terrorismoa goratzeagatik” salaketa jarri ondoren. Bilboko Arriaga Plazan egindako prentsaurrean, ATAko bi bozeramailek jakinarazi dutenez, deitutako sei kideetatik bi gaixo daude eta horiek bai joango dira Auzitegi Nazionalera.
Prentsaurrekoa jendetsua izan da eta bertan ATAko kideek adierazi dute ez dutela zilegiztatuko ez Auzitegi Nazionala ezta Espainiako legedia ere, haiek goratu duten bakarra amnistiaren aldeko borroka delako.
Aministiaren alde lanean jarraituko dutela azpimarratu dute eta Bilbon Errekalde auzoan apirilaren 2an egingo den manifestaziora joateko deialdia luzatu diete herritarrei. Euren webgunean irakurri daiteke Arriaga plazan ezagutzera eman duten idazkia.
Prentsaurrekoaren amaieran Ertzaintzak hainbat pertsona identifikatu ditu, Herritarren Segurtasunerako Legeak –Mozal Legea moduan ere ezagutzen dena– bilkura hori egiteko baimenik ez zutela argudiatuta.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.