Bost auzipetuen izenean Gabi Basañezek eta Walter Wendelinek hitz egin dute. Beren askatasuna arriskuan dagoela adierazi dute eta auzia elkartasun internazionalistaren aurkako erasoa dela uste dute. Prentsaren aurrean konprometitu dira: "Estatua geldiarazteko tresna izango gara, erortzen ari den inperio baten erokeria nahiak uxaraziz".

Ondoren, Askapenaren izenean hitz egin dute Alaitz Amundarainek eta Nahia Bellosok. Borroka internazionalistan jarraituko dutela eta herri mugimenduak beharrezkoak direla azpimarratu dute agerraldian.

Pasa den astean jakin zen Espainiako Auzitegi Nazionaleko fiskaltzak Askapenaren ilegalizazioa eskatu duela, baita Askapeña Bilboko Konpartsa, Elkartruke eta Herriak Aske elkarteen disoluzioa ere. Bost militante internazionalistari seina urteko espetxe zigorra ere eskatu die. Oraindik ez dago finkatuta epaiketarako datarik.