Askapeña eta Ongi Etorri Errefuxiatuak izango dira Bilboko jaietako txupinera eta pregoilariak

  • Bilboko Konpartsek eta Jai Batzorde Mistoak hautatu dituzte aurtengo Aste Nagusiko pertsonaia nagusiak. 30 urte bete dituen Askapeña konpartsako kide Ane Ortiz Ballesteros izango da txupinera eta Arriagako balkoitik pregoia irakurtzeaz arduratuko dena Ongi Etorri Errefuxiatuak Bizkaia plataformako kide bat. 

Uriola.eus @uriolaeus
2017ko uztailaren 07a

Aurten 30 urte bete dituen Askapeña konpartsa internazionalistari egokitu zaio bere konpartsakideen artean txupinera hautatzea. Uribarriko Ane Ortiz Ballesteros (Bilbo, 1989) da pertsona aukeratua txaketa gorriz jantzita aurtengo Aste Nagusian konpartsak ordezkatzeko. Ogibidez Berdintasun Teknikaria eta Sexologoa da Ane.

2004an ere Askapeña konpartsari egokitu zitzaion txupinera hautatzea bere konpartsakideen artean. Orduan Begoña Benedicto izan zen aukeratua. 

Pregoilari zereginetarako Jai Batzorde Mistoak mahai gainean zeuden proposamenen artean Ongi Etorri Errefuxiatuak Bizkaia plataforma hautatu du. Plataforma arduratuko da bere kideen artean lagun bat aukeratzeaz. Pertsona horrek Aste Nagusiari hasiera emango dion pregoia irakurri du eta, txaketa horiz jantzita, bilbotarrak ordezkatuko ditu jaiek irauten duten bederatzi egunetan. 

Europara sartzeko mugetan migrazio politikek eragindako dramaren ondorioz mobilizatu ziren hainbat herritarrek sortu zuten Ongi Etorri Errefuxiatuak Bizkaia plataforma, errefuxiatuei elkartasuna adierazteko, migratzaileentzat bide ziurrak eskatzeko, eta gobernuei eta Europar Batasunari asilo politiken aldaketa exijitzeko, besteak beste. Lehen ekintza gisa 2016ko otsailaren 27an manifestazioa antolatu zuen plataformak Arriagatik Gobernuaren Ordezkaritzara eta handik Udaletxera. Egun gutxira, martxoan, hasi zen Europa mugak ixten. Harrezkero makina bat elkarretaratze –asterokoak urtebetez– eta salaketa ekimen burutu dituzte. Azpimarratzekoak dira 2016ko uztailean antolatu zuten Greziarako karabana eta aurtengo apirilean hiru egunez luzatu zen Ongi Etorri Gernika 1937-2017 ekimena. Aurtengo uztailean Mellirara joatekoak dira plataformako kideak. Mugak zabalduz karabana antolatu dute "Espainiako Estatuaren eta Europar Batasunaren migrazio politikak salatzeko". 110 pertsona irtengo dira Bilbotik. 

Artikulu hau Bilboko Uriolak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Bilboko Aste Nagusia kanaletik interesatuko zaizu...
2018-09-09 | Dabi Piedra
Txosna arteko errimak

Bilboko Aste Nagusian (abuztuaren 21ean), Mamiki konpartsan eginiko bertso saio feministaren kronika. Bertsolariak: Iratxe Ibarra, Oihane Perea eta Jone Uria.


2018-08-28 | ARGIA
Aste Nagusian "gutxienez" zortzi eraso eman direla adierazi dute Bilboko Konpartsek

Erregistratutako eraso sexisten salaketak lau izan arren, beste horrenbeste eman direla jakinarazi dute. Salatzen ez diren erasoak kontuan hartuta, kopuruak askoz handiagoa behar duela izan azpimarratu dute.


2018-08-27 | ARGIA
Eraso sexista eta homofoboa salatzeko elkarretaratzea egin dute Bilbon

Bilboko Konpartsek hiru aldiz aktibatu dute protokoloa Aste Nagusian zehar. Azkenengoz igandean, larunbat goizaldean jasotako erasoa gaitzesteko.


2018-08-24 | ARGIA
Autodefentsa feminista aldarrikatuko dute Bilbon

Ostiralean deitutako gaueko manifestazioak eraso sexistarik gabeko Aste Nagusia aldarrikatuko du.


2018-08-23 | ARGIA
Bilboko zezenketen kontrako manifestaziora joateko deia, eskuak gorriz tindatuta

Larunbatean manifestazioa antolatu du Bizkaiko zezenketen kontrako kolektibo animalistak, Bilboko Aste Nagusian Chopera enpresak udalaren kontzesioz bederatzi egunez jarraian Vista Alegre zezen-plazan antolatu dituen animalien hilketak salatzeko.


2018-08-02 | ARGIA
Askapenak jakinarazi du Bilboko Askapeña konpartsarekin zuen lotura etetea erabaki duela

"Orain arteko elkarlanarekin jarraitzeko beharrezkoak diren baldintza minimoak betetzen ez direla uste dugu eta beraz hemendik aurrera konpartsak ez du Askapenarekiko inolako lotura politiko, ideologiko ez eta ekonomikorik izango", adierazi du Askapenak. Loturan idatzi duten oharra.


Saioa Dominguez eta Zorion Egileor 2018ko Bilboko Aste Nagusiko txupinera eta pregoilari

Saioa Dominguezek hemezortzi urte daramatza Aixeberri konpartsako kide izaten; Zorion Egileor, aldiz, 1977ko jai herrikoien aldeko manifestazioaren sustatzaile izan zen.


2017-10-17 | Uriola.eus
Ane Ortiz Ballesteros, Bilboko Aste Nagusiko txupinera
"Inoiz baino indartsuago gaude jai eremuan internazionalismoa zabaltzeko"

Uribarriko Ane Ortiz Ballesteros (Bilbo, 1989) Askapeñako konpartsakidea jardun da aurtengo Aste Nagusian txupinera lanetan txaketa eta txapela gorria jantzita. Jai bereziak izan dira zalantzarik gabe aurtengoak berarentzat. Besteak beste, jarduera eta gune berriak ezagutzeko aukera izan du. Ez du erraz ahaztuko bederatzi egunetan “jendeak emandako maitasuna”. 


2017-09-05 | Uriola.eus
Bilboko Piztiak konpartsa: "Etorkizuna zezenketarik gabeko hiria da"

Piztiak konpartsako Ane Ligero eta Loreto Errazti txupinera ohia irmo mintzatu dira Bilbon oraindik ere jasotzen diren animaliadun ikuskizunen inguruan. Pribilejioak eta Udalaren eta erakundeen pasibotasuna kritikatu dituzte.


2017-08-30 | Xalba Ramirez
Kaskagorrik dio gezurra dela EGIk egindako salaketa

Kaskagorrik agiria atera du, adieraziz Eusko Gaztediren bertsioa "lau haizetara zabaldutako gezurrez beteriko komunikatua" dela. Kaskagorriren irudia zikintzeko helburua duela salatu du gazte konpartsak.


Azkenak
EGILEA
Eguneraketa berriak daude