Asier Nieblarentzat justizia eskatzeko elkarretaratzea egin dute
Astelehenean bete dira hiru urte Urnietako gaztea hil zela, gizon batek buruan emandako kolpeagatik. Donostian elkartu dira urteurrenean, eta eskatu dute Niebla indarkeria matxistaren biktimatzat hartzeko eta erasotzaileari genero astungarria ezartzeko.
Justizia Asierrentzat! Eraso matxista gehiagorik ez! lelopean elkarretaratzea egin dute Donostian, Asier Nieblaren senideek deituta. Hiru urte bete dira Urnietako 28 urteko gaztea hil zenetik, gizon batek buruan eman zion kolpearen ondorioz, eta "justizia" eskatu dute kontzentrazioan.
2018ko Donostiako Aste Nagusian izan zen erasoa, Parte Zaharrean. Niebla emakume batekin hizketan ari zen Perujuantxo kalean, eta andrearen bikotekide ohia "jelosiak jota" hurbildu zen eta buruan kolpe gogor bat eman zion gizonari. Ondorioz, lurrera erori zen konorterik gabe, baina erasotzaileak Niebla jotzen jarraitu nahi izan zuen; ingurukoek geldiarazi zuten. Larri zegoela ZIUn ospitaleratu zuten eta bi hilabetez koman egon ostean hil zen, urriaren 11n.
Indarkeria matxistaren biktima
Pasa den abenduan erasotzaileari 12 urte eta 11 hilabeteko kartzela zigorra ezarri zion Gipuzkoako Lurralde Auzitegiak, giza hilketa delituagatik eta genero astungarria jarri zioten. Aldiz, ekainean EAEko Justizia Auzitegi Nagusiak zigorra murriztu zion 11 urte eta erdira, genero astungarria kenduta. Auzitegiak argudiatu zuen indarkeria matxista izateko biktimak emakumezkoa izan behar duela derrigorrez.
Asier Nieblaren familiak salatu du ebazpen hori "bidegabea eta diskriminatzailea" dela, eta jakinarazi du duela bi aste helegitea aurkeztu zutela auzitegian. Epaiketa hasi zenetik eskatu zuten familiak zein Urnietako Udalak, akusazio partikular gisa, gizona indakeria matxistaren biktimatzat har zezaten, eta horretarako legea aldatzea proposatu zuten.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]