Aroztegiaren inguruko galdeketaren emaitza onartzeko eskatu diote hamar alkatek Nafarroako Gobernuari
Ekainaren 5ean egin zuten galdeketa Baztanen eta 228 etxebizitza, luxuzko hotela eta golf zelaia eraikitzearen kontrako hautua gailendu zen, alde handiz: bozka eman zuten %80 azaldu ziren aurka.
Nafarroako ipar-mendebaldeko hamar alkatek eta zenbait zinegotzik Baztango Udalari sostengua adierazi diote, Aroztegiaren hirigintza proiektuaren kontra. Izan ere, galdeketa egin zuten Baztanen, ekainak 5 zituenean, eta %80k kontra bozkatu zuten.
"Herritarrek ez badute erabakitzen ahal beren geroa baldintzatuko duten proiektuen inguruan, eta proiektuei buruzko iritzia sahiesteko erabakiak ohiko bideetatik kanpo hartzen badira, [UGEP] Udalaz Gaindiko Eragina duen Planarekin bezala, tokiko entitateak sobran daude eta demokraziarik ez dago", salatu dute agerraldia egin duten ordezkariek.
Herri galdeketaren emaitza aintzat hartzeko eskatu duten zinegotzi eta alkate guztiak EH Bildukoak eta independenteak dira. Honako herri hautakoak dira prentsaurrekoa eskaini duten ordezkariak: Berakoa, Arantzakoa, Etxalarkoa, Igantzikoa, Doneztebekoa, Iturengoa, Donamarikoa, Bertizaranakoa, Esteribarkoa eta Ultzamakoa.
Herriaren gainetik, Aroztegia
Udalaz Gaindiko Plana baliatuz eraiki nahi du Nafarroako Gobernuak Aroztegia, eta kexu dira bertako herritarrak, herri galdeketan azaldu gisan: bozka eman zuten %80k ezezkoa eman zioten proiektuari.
"Baztango tokiko autonomiaren gainetik" pasatzea egotzi dio Baztango EH Bilduk Nafarroako Gobernuari. Oroitarazi du, ildo beretik, Udalaz Gaindiko Plana onartu zutela erregionalistek, hauteskundeetarako bi egun baino falta ez zirenean; horregatik, Geroa Bairi leporatu dio "UPNren jokaldiari azken oniritzia" ematea.
Manu Aierdi Nafarroako Gobernuko presidentea Baztanen egon da gaur eta proiektuak "interes turistikoa" duela esan du, eta aurka daudenei "ikuspegi globala" galdegin die.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.