Aroztegia Jauregia Sozietateak demanden mehatxupean dituela salatu dute Baztango hainbat herritarrek
Nafarroako Gobernuak Aroztegiko urbanizazio lanen txostena onartu eta baimena eman du hirigintza plana aurrera emateko. Ekainaren 5ean proiektuari buruzko herri galdeketa egin zuten Baztanen, eta aurkako aldea nagusitu zen.
Golf zelaia, hotela eta 228 etxebizitza egin nahi ditu sozietateak 341 biztanle dituen Lekarozen. Garbiñe Elizegi Baztango alkate ohiak “kolpetik aberasteko proiektua” dela esan zuen, eta berba horiek erabiltzeagatik 36.000 euroko kalte ordaina eskatu zion Aroztegia Jauregia Sozietate Mugatuak.
Hirigintza planaren inguruko herri galdeketa iragartzeko prentsaurrekoa eman zuten zazpi herritarrek urtarrilean. Maiatzean zigor kereilak jasotzen hasi ziren, eta 50.000 euroko kalte ordainaren eskaria. Hilabete berean, Elizegi eta Joseba Otondo egungo alkatearen aurka sozietateak jarritako salaketa onartu zuen epaitegiak, prebarikazio delitua egotzita. Azkenean, herri galdeketa egin zuten ekainaren 5ean, eta planaren aurkako aldea gailendu zen alde handiz (botoen % 80).
Proiektuak aurrera egin du hala ere. Baztango alkate eta alkate ohiaren aurkako prozesuak jarraitzen duela salatu dute zazpi gazteek. Eta Aroztegia Jauregia Sozietate Mugatuak demanden mehatxupean dituela oraindik ere.
Horren aurrean, adierazi dute herritarren hitza bilatzea ezin dela inoiz eta inon errudun agertzeko arrazoia izan. Euren iritziz, sozietateak beldurtuta “nahi” ditu, “badakielako mehatxurik gabeko baldintzetan ez zela inondik ere onartuko bere proiektu espekulatzailea”. Isilik nahi dituela gaineratu dute, “zabaldu ez dadin proiektuak ez dituela legalki baldintza guztiak betetzen”.
Urtarrileko agerraldi hura egin eta hamaika hilabete beranduago, “euren erakundeen gainetik pasa nahi dutenei aurre egiteko prest” daudela azaldu dute gazteek abenduaren 1ean emandako prentsaurrekoan.
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.