Orduko megawatt bakoitza 124,45 euro. Hori da gaur (abuztuak 30) argindarraren prezioak jarri duen azken marka. Abuztuan zazpi errekor historiko izan dira. Argindarraren fakturaren garestitzeak bete-betean eragiten du inflazioan. Kontsumorako Prezioen Indizea (KPI) %3,3ra igo da abuztuan.
Abuztuaren azken txanpan jarri du argindarraren prezioak azken errekorra. Eldiario.es egunkariak gogorarazi du Teresa Ribera Espainiako Gobernuko Trantsizio Ekologikorako ministro eta hirugarren presidenteordeak azalpenak emango dituela Kongresuan. Gas naturalaren eta CO2aren garestitzearekin lotuta dagoen errekor segidaz hitz egingo du. Ministroak eztabaida ireki du merkatu elektrikoa erreformatzeko beharraz eta Gobernua behartu du enpresa publiko batek kontzesio hidroelektrikoak kudea ditzan planteatzera.
Hego Euskal Herrian, etxeko kontsumitzaileek inoizko fakturarik garestiena ordainduko dute gaur. Horrez gain, beste partida energetiko batzuk ere garestitu dira, hala nola petrolioa 70 dolarretik gora dago, gasolina % 21,3 garestitu da duela urtebete baino gehiago, eta gasolioa % 18,7.
Argindarraren fakturaren garestitzeak zuzenean eragiten du inflazioan eta horrek enpresen eta partikularren erosteko ahalmenaren ahultzea dakar, susperraldi betean. Kontsumorako Prezioen Indizea (KPI) % 0,4 igo da abuztuan aurreko hilabetearekin alderatuta, eta urte arteko tasa % 3,3koa izan da, uztailekoa baino lau hamarren handiagoa eta 2012ko urritik izandako tasarik altuena, Espainiako Estatistika Institutuak argitaratutako datuen arabera.
Erakundeak berak ohar batean argindarraren prezioaren igoera jo du arrazoitzat: "Portaera horretan argindarraren prezioen igoera nabarmentzen da, iazko abuztuan baino handiagoa izan baita hilabete honetan".
Espainiako Gobernuak ezarritako zerga jaitsieren neurria iraungi egingo da urte honen amaieran.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Iruñeko Udalak 324.885 eurora handitu du Gabonetako argietara bideratutako aurrekontua. Azaroaren amaieran –San Saturnino egunaren bueltan– piztuko dituzte, eta urtarrilaren 6an itzali.
Batez beste 209 euro aurreztu dira etxebizitza bakoitzean, ESADEk egindako ikerketaren arabera.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]