Lantaldean aritu, sare sozialak kudeatzen eta interneterako zein papererako idazten trebatzeko aukera zabalduko dugu. ARGIAn praktikak egin nahi badituzu, maiatzaren 16an egingo dugun azterketara aurkeztea besterik ez duzu.
Praktikaldia hiru hilabetekoa izango da, ekainaren hasieratik abuztu amaierara arte. Lau orduko lanaldia izango da, eta hilabete horietan, praktiketan ari den pertsonak ordainsaria jasoko du.
Kazetaritzako, Ikus-entzunezko Komunikazioko eta Giza Zientziak eta Komunikazioko ikasleei zuzendutako deialdia da. Nahitaezkoa izango da praktikak egin bitartean unibertsitatean izena emanda egotea.
Maiatzaren 16an (astelehena) egingo dugu azterketa, goizeko 11:00etan, online.
Etorri behar baduzu, bidali e-mail bat praktikak@argia.eus helbidera izena emanez, eta atxiki curriculuma mezuari, mesedez. Izena emateko azken eguna maiatzaren 14a izango da.
Animatu eta batu ARGIAren komunikazio proiektu independentera.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. Datorren urtean gure erredakzioan praktikak egin nahi badituzu, animatu eta aurkeztu zaitez abenduaren 12an egingo dugun azterketara. Kazetaritzako, Ikus-entzunezko... [+]
Argazkilarien kolaborazioa oso garrantzitsua izan da beti kazetaritzan, eta ARGIAk sare sendoa osatu nahi du Euskal Herri osoan zehar, han eta hemen egiten ditugun elkarrizketa eta erreportajeetarako. Argazkilari kolaboratzaile gehiagoren bila gabiltza.
ARGIAren taldeko kide den iametza teknologia berriak erabiltzen dituen komunikazio enpresa da.
ARGIAko lantaldea sendotzeko kide berri baten bila gabiltza. Ikus-entzunezko arloan bideo edizioan eta kameralari gisa eskarmentua duen norbait aurkitu nahiko genuke, iniziatiba duena eta taldean lan egiteko prestutasuna duena. Sektorearen beste alor batzuetan interesa eta... [+]
ARGIAren taldeko kide den iametza teknologia berriak erabiltzen dituen komunikazio enpresa da.