Alfredo Remirez:

"Argi daukat kartzelan sartuko nautela"

  • Alfredo Remirezek (Amurrio) urtebeteko kartzela zigorrari aurre egingo dio 2005ean sakabanaketa salatzeko panpina ateratzeagatik herriko jaietan. Hala azaldu du Halabediko elkarrizketan. Atzo haren aldeko mozioa onartu zuen Amurrioko Udal Osoko Bilkurako gehiengoak, gaur 20:00etan manifestazioa egingo dute herrian. Bilbo Zaharrean, aldiz, 20:30ean izango da elkarretaratzea.

Aiaraldea.eus @aiaraldea
2017ko irailaren 29a

Nola zaude epaiaren berri izan ondoren?

Ez oso ondo. 2005ean panpina ateratzeagatik, 2009an epaitua izatea eta 2017an jakinaraztea kartzela zigorra bete behar dudala ez da ongi etorria.

Hala ere, bolada horretan gauza gehiago gertatu dira, ezta?

2005ean sakabanaketa salatzeko panpina atera nuen preso baten argazkiarekin. Horren ondorioz, PPk eta berari lotutako zenbait lobbyk (Dignidad y Justiciak eta horrelakoek) salaketa jarri zidaten.

2009an epaitu ninduten eta urtebeteko kartzela zigorra eta 6 urteko gaitasungabetzea ezarri zizkidaten.

Gero, 2015ean "Operación Araña III" dela medio, atxilotu ninduten terrorismoa goratzea akusatuta berriro. Aurten izan nuen epaiketa otsailean eta akordioa lortu nuen; ez estatuarekin nire askatasuna hitzartu nahi nuelako, baizik eta aurrekariak nituelako. Hortaz, adostu genuen 14 urteko gaitasungabetzea eta 2.400 euroko isuna.

Zer gertatu da orain? Aurreko gelak, 2009an epaitu ninduenak, alegia, berriro ireki duela 2005eko kasua eta aurrekaritzat jo dituenez, ebatzi du espetxera joan behar naizela.

Ematen du badagoela Alfredo Remirez kartzelaratzeko asmoa.

Hasieran ez nuen uste, baina "andereñok" mania didala pentsatzen hasi naiz. Ikusten dut bazutela interesa ni zigortzeko.

Beti jartzen dut adibide bera, baina arraroa da "Billy El Niño" torturatzailea, ehunka kasu dituena, Entzutegi Nazionaleko ate beretik sartu zela eta bertatik atera dela garbi. Ehunka biktimek salatu duten arren.

Ni berriz, kartzelara sartu beharko naiz urtebetez.

Hortaz, bai, badirudi mania hartu didatela, baina ez niri bakarrik. Presoen alde eta egi bakarraren aurka gaudenon kontra jotzeko gogotsu dira.

Adierazpen askatasunaren aurkako erasoak direla esan duzu behin baino gehiagotan.

Atxiloketa bere testuinguruan jarri behar da. Nire azkenengo atxiloketa baino bi egun lehenago Gasteizko Herri Harresia izan zen. Oso arrakastatsua izan zen sozialki eta hedabidetan. Berez, nire azken txioa atxilotu aurretik izan zen Herri Harresiaren aldekoa.

Egun batzuk geroago, ordea, hauteskundeak ziren. Nire ustez, propaganda gisa erabili gintuzten. Besteak beste, Cesar Strawberry Def Con Dos taldeko abeslaria ere harrapatu zuten oihartzun gehiago izateko.

Orokorrean, horrelako kasuetan, eskutitza bidaltzen dizute jakinarazteko deklaratu behar duzula. Eurak kontrolpean zuten nire bizitza, atzetik izan nituen eta bazekiten bizimodu arrunta nuela. Hau da, ospa egiteko arriskurik ez zegoela. Dena den, atxilotu behar ninduten, bestela argazkia galduko zuten.

Zu, Alfredo moduan, eta "@erreharria" moduan, oso ezaguna zara, balio izan du horrek gizartea astintzeko?

Nire lagunek egindako kanpainari esker, agian, adierazpen askatasunari buruzko eztabaida piztu da. Ematen zuen gaia ahaztuta zegoela: Egin Egunkaria, Egin Irratia, Ardi Beltza, Mozal Legea... bazirudien atzoko gauzak zirela, baina azken lau edo bost urteetan 50 lagunetik gora igaro gara Entzutegi Nazionaletik gure iritzia sare sozialetan plazaratzeagatik.

Nire kasuan, gainera, Galindori buruzko txiste txar bat kenduta, epaitutako txio guztiak izan dira elkartasunekoak. Pablo Gorostiagari ongi etorri txioa idazteagatik, adibidez. Guztioak ezagutzen dugu Pablo, 18/98 prozesuan epaitu zuten eta 8 urteko kartzela zigorra bete zuen. Tarte horretan bere emaztea hil zen eta ez zuen aukerarik izan agurtzeko. Pregoilari izateko hautatu zuten eta ez zioten utzi... hori 70 urte baino gehiagorekin. Nik egin nuen gauza bakarra izan zen ongi etorria eskaintzea, nahikoa zigorra bete ostean.

Hori, eurentzat, terrorismoa goratzea da, niretzat da poztasuna adieraztea pertsona bat herrira itzultzen delako.

Urtebeteko kartzela zigorra irmoa da eta zure abokatuak helegitea jarri du. Zein izango da ibilbidea?

Egia da helegitea jartzeko parada dugula, baina horrek ez du geldituko zigorra betetzeko agindua. Hortaz, nahiko argi daukat kartzelan sartuko nautela.

Edozein unetan?

Espero dut, honetan, behintzat, gutun bidez jakinaraztea. Bestalde, eskerrak eman nahi dizkiot elkartasuna adierazi didan jende orori. Mila esker.

Albiste hau Aiaraldeak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Adierazpen askatasuna  |  Amurrio

Adierazpen askatasuna kanaletik interesatuko zaizu...
Amarruen hiriburu

Urtebetez espetxeratu zuten Alfredo Ramirez txioak idazteagatik. Beste urtebetez izan da kartzelan Julen Ibarrola, errotuladorez kalean margoketa bat egiteagatik. Galder Barbado eta Aitor Zelaia espetxeratu dituzte 2014 eta 2015ean inoiz gertatu ez ziren erasoak egiteko “materiala gordetzeagatik”.


2019-02-11 | Aiaraldea.eus
Ongi etorri jendetsua egin diote Julen Ibarrola gazteari Amurrion

Igandean atera da espetxetik Julen Ibarrola gaztea, errotulkiarekin pintaketa egiteagatik urtebeteko zigorra bete ostean. Eguerdian egin diote ongi etorri ekitaldia Amurrion.


2019-02-06 | ARGIA
Euskaraz informatzen eta Polizia grabatzen jarraituko dugu

Gure lana egitea albiste bilakatu dute beste behin ere, tamalez. Funtzionario publikoen jardun publikoa espazio publikoan grabatu eta publikoki zabaltzea da berriz ere leporatzen diguten “delitua”. Zehatzago, bi ertzainek salaketa jarri dute ARGIAko kazetari baten aurka, 2018ko maiatzaren 21ean Donostian pertsona bati hizkuntza eskubideak nola urratu zizkioten grabatu eta zabaltzeak “iraindu” dituela esanez.


ARGIAren aurkako salaketa eragin duen Ertzaintzaren hizkuntza urraketa agerian
MULTIMEDIA - erreportajea

ARGIA salatu dute bi ertzainek hizkuntza eskubide urraketa batez informatzeagatik. Ertzaintzak uztailaren 27an sinatutako gutun batean barkamena eskatu zuen hizkuntza eskubideak urratzeagatik egun hartan. Orain jakin da ordea, hizkuntza eskubidea urratu zioten pertsonari Mozal Legeaz isuna jarri eta gertatutako grabatu eta zabaldu zuen kazetariari salaketa jarri diotela.


2019-02-05 | ARGIA
ARGIA salatu dute bi ertzainek hizkuntza eskubide urraketa batez informatzeagatik

22125 eta 23044 gisa identifikatu diren bi ertzainek salaketa jarri dute Donostiako Instrukzioko 2. zenbakiko epaitegian, ARGIAko kazetari Lander Arbelaitzen aurka, joan den maiatzaren 21ean Donostian pertsona bati hizkuntza eskubideak nola urratu zizkioten grabatu eta zabaltzeagatik. “Irainak” egotzita bide penaletik salaketa jarri diote eta martxoaren 20an Donostiako epaitegian deklaratu beharko du kazetariak. Ertzaintzak uztailaren 27an sinatutako gutun batean barkamena eskatu... [+]


2019-01-30 | ARGIA
'Gara'-k 3 milioitik gora ordaindu beharko dizkio Gizarte Segurantzari, Garzonek ezarritako zor bidegabearen erruz

Gara egunkariak bizi duen egoeraren berri eman du asteazken honetan. Egunkariak zor bidegabe bati aurre egin behar izan dio azken 15 urteetan, Egin-ek Gizarte Segurantzan ordaintzeko zeukana agindu judizial baten bidez egunkari berriari ezarri ostean. Orain, aurreakordio batera iritsi dira, zor hori kitatzeko.


2019-01-15 | Hiruka .eus
Deklaratzeari uko egin diote Sopelan pintadak egiteagatik salatutako bederatzi lagunek

Iazko maiatzean Sopelako mural politikoen topaketan parte hartzen zebiltzala identifikatu zituzten bederatzi pertsonek uko egin diote Getxoko 4. Epaitegian deklaratzeari. Mozal Legearen araberako isuna ordaintzeaz gain, Sopelako Udalak salatu egin zituen, kalteak eragitea leporatuta, eta horren harira zeuden gaur epaitegira deituta. Kanpoko aldean 50 bat lagun elkartu dira, zentsuraren aurkako aldarria egiteko asmoz.


2019-01-10 | ARGIA
Hainbat kazetari jo du Poliziak Maravillas gaztetxea ixtearen kontrako protestetan

Iruñeko Alde Zaharreko Maravillas Gaztetxea ixtearen kontra astearte eta asteazkenean foru poliziak egindako oldarraldietan euren lanean ari ziren hainbat kazetari ere eraso ditu, herritarrez gain.


1.400 euroko isuna eskatu du fiskaltzak Bilboko Hontzak konpartsako kide baten kontra, "Vatikanoko harategia" erakusten zuen txosnagatik

Jesukristoren gurutzeko irudia harategiko produktuen alboan jarri zuen Hontzak konpartsak 2017ko Bilboko Aste Nagusian. Bilboko apezpikuak, Falange Vasco-Navarrako buruak eta Andaluzian bizi den pertsona batek haien kontrako salaketa jarri zuten.


'La Directa' aldizkariko fotokazetari batek kereila aurkeztu du mosso batek hatza apurtu ziolako

Jusapol plataformaren ekitaldia oztopatu nahian, independentista kataluniarrak pasa den irailaren 29an manifestatu ziren Bartzelonan. Tira-birak izan ziren, eta La Directa-k argitaratu duenez, istiluen aurkako mosso batek hatza apurtu zion kazetariari.


Azkenak
EGILEA
Eguneraketa berriak daude