Applek Irlandari 13.000 milioi euro itzuli behar dizkiola ebatzi du Europak, urtetan ordaindu gabeko zergengatik
Apple konpainiak eta Irlandak legez kanpoko zerga aginduak adostu zituztela ebatzi du Europako Batzordeak. Zerga gutxiago ordaintzeko sare konplexu bat baliatuz Europan izandako mozkinen ehuneko txiki bat soilik ordaindu zuen multinazionalak Irlandan hainbat urtez, sozietate zergei dagokionez: irabazien %1 2003an eta %0,005 2014an (%12,5ekoa da sozietateen gaineko zerga Irlandan).
13.000 milioi euro gehi interesak itzultzeko agindu dio Europako Batzordeak Appleri. 2003 eta 2014 bitarteko urteei dagokie kopurua. 2014an hasi zen Europako Batzordea Appleren zergen inguruan ikertzen, eta ordutik hamar urte atzera egiteko aukera ematen du legeak. Hala ere, Applek legez kanpoko zerga aginduekin 1991tik onura atera duela ebatzi du Batzordeak.
Margrethe Vestager Europar Batasuneko Lehia Komisarioak azaldu du Applek ordaindu beharrekoa ez dela isun bat, ordaindu gabeko zergak baizik. Vestagerrek gaineratu du Europar Batasuneko herrialdeek ezin dizkietela zerga onurak eman enpresei.
Konpainiak bi filialetara bideratzen zituen irabaziak Irlandan (Apple Sales International eta Apple Operations Europe) eta hortik “bulego nagusi” batera. Bulego horiek paperean baino ez ziren existitzen, ez zuten inongo jarduerarik, eta hortaz, Europako Batzordeak ebatzi du ezin zituztela egotzitako irabazi horiek izan. Sare horri esker Applek ez zuen ia zergarik ordaintzen; ehuneko txiki bat soilik Irlandan, eta Europan irabazitakoarengatik gainerakoa, inon ez.
Bai enpresak eta bai Irlandako Gobernuak Europako Justizia Auzitegian helegitea jarriko dutela iragarri dute.
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]
Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.
"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]
2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]
1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.
Petronorren emaitza-kontuetatik datu hauek azpimarratu ditu ELA sindikatuak: 2019an 135 milioi euroko etekinak izan zituen Petronorrek, Sozietateen Zerga ordaindu aurretik. Baina Sozietateen Zergan 0 euro ordaindu zuen. "Areago, ez ordaintzeaz gainera 7 milioi euro jaso... [+]
Futbol taldeak fiskaltzarekin eta Nafarroako Ogasunarekin lortutako akordioa berretsia izan da: 1,4 milioi euroko isuna ordaindu beharko du klubak, eta 45 hilabetean ez du jasoko ez diru laguntzarik ezta pizgarri fiskalik ere.
Atzerriko irabazien %52 filialen bidez kontabilizatzen da fiskalitate laxoa duten herrialdeetan edo, zuzenean, paradisu fiskaletan.
Ostegunean bilduko dira bideokonferentziaz EBko herrialdeetako gobernuburuak koronabirusaren krisiari aurre egiteko diru funtsak berretsi eta funts horien tamaina eta mekanismoa adosteko. Testuinguru horretan, Giuseppe Conte Italiako lehen ministroak eurobonoen aldeko jarrera... [+]
Bizkaiko Foru Aldunditik honako informazio ofiziala helarazi dute: 11.000 herritarrek baino gehiagok atzerrian 1.500 milioi euroko kontu korronteak dituzte, 50 bat herrialdetan utzita, tartean Andorra, Bahamak, Jersey, Kaiman Uharteak eta Panama. Suitzan bakarrik 600 milioi euro... [+]
Ogasunari iruzur egiteagatik epaitu dute Alonso, baina epaileak ez du erruduntzat jo eta kargurik gabe aske geratu da.
2017an hil zuten iruzur kasuetan aditua zen kazetaria. Yorgen Fenech enpresari miliodunaren gas eta elektrizitate zentroaz ikertzen ari zen hil zuten Caruana.
Badira ia hamar urte Warren Buffetten ateraldi bat mundu guztian zehar ezaguna egin zela. Esan zuen bere idazkariak baino zerga gutxiago ordaintzen zuela, aberatsen mesederako dauden zirrikitu eta kenketa fiskalei esker.
Artikulu hau Manu Robles Arangiz institutuak euskaratu du [+]
Madrilgo Fiskaltzak bost urteko kartzela zigorra eskatzen du futbol jokalari ohiarentzat, 2010, 2011 eta 2012. urteetan Ogasunari iruzur fiskala egitea egotzita.