Anjel Lertxundiren obra aztertuko dute EHUren Uda Ikastaroetan
Hamalau hitzaldi, zuzeneko irakurketa musikatua eta idazlearen beraren parte-hartzea bildu dituzte egitarauan. Ekainaren 29 eta 30ean izango da, Donostiako Miramar Jauregian.
Mende erditik gorako ibilbidean, Anjel Lertxundik obra aberatsa osatu du, sari entzutetsuak jaso ditu, eta EHUko irakasle eta ikastaroaren zuzendari Alex Gurrutxagak eta Beatriz Zabalondok nabarmendu dutenez, ezinbestekoa iruditzen zaie literatur ikerketen esparru akademikoak idazlearen obra aztertzea. Horregatik, asmo horrekin, kongresuak punta-puntako hamalau aditu eta hizlari bilduko ditu Lertxundiren lana era monografikoan eta bi egunez lantzeko.
Besteren artean, gonbidatu izango dira Lourdes Otaegi, Beñat Sarasola, Idoia Santamaria, Antton Olariaga, Andoni Egaña, Juan Kruz Igerabide, Danele Sarriugarte eta Iratxe Retolaza. Aztergai izango dute Lertxundiren literaturgintza, obraren eta idazlearen ikuspegitik, hitzaldi formatuan batzuk eta mahai inguru moldean besteak.
Informazio gehiago jaso edota ikastaroan matrikulatu nahi duenak, hala egin dezake esteka honetan.
Zarauzko Udalak aitortza, kongresua baino lehen
Ekainaren 20an, asteartez, Zarauzko Udalak kultur merezimenduaren domina emango dio Anjel Lertxundiri, eta emanaldian bertan Uxue Alberdik eta Jexuxmai Lopetegik hartuko dute hitza.
Udal aitortzaz gain, hainbat kulturgileren ekimenez, Idazle totala solasaldia izango da Modelo Aretoan, domina jaso ostean, iluntzeko 19:30ean. Lertxundiren obraz ariko dira Andoni Egaña, Danele Sarriugarte, Iratxe Retolaza eta Iñigo Astiz.
Haltz bat dugu obra honetako protagonista. Arbola bat; mundua ezagutu nahi duen arbola. Eta, denok dakigun bezala, arbola ezin da dagoen lekutik mugitu, ezin da itsasoraino joan, ezin ditu bidaiak egin… ala bai?
Muino batean dagoen haltza dugu protagonista, eta lehen... [+]
Eguna guztiz argitu da Getarian; frontoi irekian ez da inor ari jolasean oraindik. Kaioak entzuten dira. Bederatzietako kanpaiak jotzear dira. Itzulerako urratsa abiatu dugu; pauso lasaiagoan goaz, giro epeltzen hasiak eta gai libreagoan aritzeko aukerak hartaratuta.
Egunero egiten du Zarauztik Getarirako joan-etorria. Goizean goiz eta oinez, pauso azkarrean. Ibilian-ibilian, 25 urtetik gorako ohitura du hori. Ibilian-ibilian, ez horren pauso azkarrean, baina bai konstantean, mende erdiko ibilia egin du literaturan, Hunik arrats artean... [+]
Zarauzko (Gipuzkoa) kaleak hutsik dira. Herriak itxura fantasmagorikoa du orduotan. Goizeko seiak eta erdi dira eta hotz egiten du. Urtarrileko goiz grisa da. Itsasoa bizi dago, baina ez haserre. Hura entzuten da soilik. Pauso azkarrean eta burua txano beltzez estalita iritsi da... [+]