Animalien sufrimenduari buruzko erakusketa suntsitu dietela salatu du Aska Itzank Animaliak taldeak

  • Linas Kortaren argazkiak tokitik kendu eta ibaira bota edo desagerrarazi dituzte. Animalien sufrimendua azaleratzen du erakusketak.


2021eko uztailaren 29an - 07:54
Azken eguneraketa: 09:57

Aska Itzank Animaliak taldeak (AIAk) erakusketa ibiltaria antolatuta zuen uztaila eta abuzturako. Orain arte, herriko hainbat txokotan erakutsi dituzte Linas Kortaren argazkiak. Oiartzungo festetan ateratako argazkiak ikus zitezkeen, animalien sufrimendua azaleratzen zutenak.

Pasa den astean Ugaldetxoko ibilgailuen zubian jarri zuten erakusketa ibiltaria, Oiartzunen. Hari eraso egin eta suntsitu dutela salatu du AIAk. “Argazkiak lotzen zituzten sokak moztu, zeuden lekutik kendu eta ibaira bota dituzte. Ibaian gutxi batzuk berreskuratzeko aukera izan dugun arren, argazkien gehiengoa desagerrarazi egin dute”, azaldu dute.

AIAk nabarmendu duenez, herriko kultura eta tradizioari buruzko hausnarketa prozesua abiarazi zuten duela hilabete batzuk. “Horren aurrean herritar batzuek duten erresistentziaren edo kontrako jarreraren adierazletzat jotzen dugu asteburuko ekintza”.

Festetan animalien erabilera egiten duten ekitaldiak kentzea edo ordeztea da AIAren helburua, berretsi dutenez. Hainbat ekitaldi antolatu eta dinamika martxan jarri ditu sortu zenetik. Horietako bat da Linas Kortaren erakusketa; gai hori kaleratu eta horri buruzko hausnarketa bultzatu nahi izan dute.


Kanal honetatik interesatuko zaizu: Animalien eskubideak
Zezenketarik gabeko sanferminak posible izan daitezen “laguntza” eskatu die Iruñea Antitaurinak Peñen Federazioari

"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]


Animalien askapena EHUn ikergai

Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan. 


2023-09-06 | ARGIA
1.761 ekitalditan zezenak erabili dituzte Hego Euskal Herriko festetan

Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.


Eguneraketa berriak daude