Animalia formako gailetak, preso zituen kaiolatik aske
PETAk, animalien tratu etikoaren aldeko elkarteak, garaipen sinbolikoa lortu du: Nabisco konpainiak Barnum's Animals Crackers gaileta-kaxetan ageri diren animaliak aske utzi ditu, 116 urtez ilustrazioak inguratu dituzten markoak eta barruko arrastoak kenduta. Ezabatutako elementuek zirku ibiltarien "garai krudela" islatzen zuela salatu zuen PETAk.
Kaxa berrietan ageri diren animaliak (zebra, elefantea, lehoia, jirafa eta gorila) oihanean ageri dira orain.
Garaipen handiak pakete txikietan etor daitezkeela adierazi du PETAk, kaxa berriari erreferentzia eginez.
Elkarteak gailetatxoen afera baliatu du zirkoetan animaliak nola tratatzen dituzten salatzeko. "Amei euren kumeak kentzen dizkiete zirkoek, animaliak kaiolatan sartu, kateak jarri eta herriz-herri eramaten dituzte. Bizitza naturaletik deus ez dute".
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
