Angelun bizikletaz ibiltzeko bide seguruak eskatu ditu Bizi Mugimenduak
Eguneroko joan-etorrietarako bizikleta garraio erabiliagoa izatea aldarrikatu dute, kutsadurari aurre egiteko. Ehunka txirrindularik bizikleta martxan Angeluko auzapezari eta Mugikortasunen Sindikatuko lehendakariari neurriak hartzeko eskatu diete.
Thibaut Godin Bizi Mugimenduko bozeramaileak hala adierazi du: "Izugarrizko tartea bada Angeluko hiriak bizikletaz egiten duen komunikazioaren eta bizikletaren aldeko antolaketaren errealitatearen artean, batez ere Ingurumen Kodearen L.228-2 artikulua urratzen duten atalak goraipatzeko orduan". Mugimenduko kideek azpimarratu dute kostaldea bizigarriagoa izan dadin eta airearen kalitatea hobetu dadin beharrezkoa dela berotegi efektuko gasen isurketak murriztea. Garraioa euskal kostaldeko emisio iturri nagusiena da eta Ipar Euskal Herrian bigarrena.
Bizik jakinarazi duen datuaren arabera, Baiona- Angelu-Biarritz eremuan egunero autoz egiten diren joan-etorrien %40 baino gehiago hiru kilometro baino gutxiagoko desplazamenduak dira.
Manifestazioaren bukaeran, Camille Normandin Biziko kidea Claude Olive Angeluko auzapezari eta Jean-Francois Irigoyen Mugikortasun Sindikatuko lehendakariari zuzendu zaie: “Elkarteekin batera lan egitea proposatzen diegu, teknikoki nola egiten den pentsatzeko zonalde guzi hau segurua eta praktikagarria bilakarazteko joan etorrientzat bizikleta beren garraio molde nagusia bihurtu nahi duten eguneroko txirrindulari guztientzat".
Irailaren 25ean Frantziako Estatuko 24 hiritan milaka txirrindulari atera dira kalera garraio politika jasangarriagoak eskatzeko.
Frantziako Ingurumen Kodearen L228-2 artikuluak dio hiribideen berritze orok bizikletaz ibiltzeko antolaketak barnebildu behar dituela. Betebehar hori betetzen ez duten Herriko Etxeak identifikatzeko deia luzatu die Bizi talde ekologistak herritarrei.
Metamorfosia ekologiko eta soziala bultzatzen duten alternatiben erakusleiho bat Baionan. Euskal Herria "burujabe, solidario eta iraunkorraren" aldeko ekimena ospatu du Bizi mugimendu ekologistak asteburuan, Lapurdiko hiriburuan. Parte hartze kopuruak antolatzaileek... [+]
Euskal Herria Burujabe "festa herrikoi eta ekintzailea" antolatzen ibili da Bizi! mugimendu ekologista, lurralde "jasangarri, solidario eta burujabea" osatzen duten alternatiben ezagutzeko asmoz.
2013ko Alternatiba Egunetik hamar urtera, 10.000 pertsona bildu nahi ditu Bizi mugimendu ekologistak bi egunez Baionan. ‘Euskal Herria Burujabe’ topaketak antolatu ditu urriaren 7tik 8ra, lurralde iraunkor, solidario eta burujabe baten aldarrikatzeko.