Emakumeak borrokan

Angela Davisek euskal preso politikoei babesa adierazteko baliatu du eman behar zioten sari bat kendu izana

  • "Palestinako preso politikoak babesten ditut, babesten ditudan bezala egungo Euskal Herriko preso politikoak, Kataluniakoak, Indiakoak eta munduko beste hainbat lekutakoak", adierazi du, New York Timesen irakur daitekeenez.

Lander Arbelaitz Mitxelena @larbelaitz
2019ko urtarrilaren 14a
Angela Davis, artxiboko irudi batean, hitzaldi bat ematen 2014an.

Angela Davisek adierazi du zur eta lur utzi dutela jaioterrian (Birmingham, Alabama, AEB). Orain hilabete batzuk jakinarazi zioten giza eskubideekin loturiko sari bat eman behar ziola Birminghamgo Eskubide Zibilen Institutuak. Israeli buruz duen iritziagatik, ordea, azkenean ez diotela saria emango jakinarazi berri diote orain bi ostiral. Egun horretarako lotuta zuen hitzaldia ere bertan behera utzi diote.

Hasiera batean ez zuten azaldu Institituko kideek zergatik egiten zuten atzera. Hau da oharrean ziotean: "Zoritxarrez, ez ditu betetzen sariaren oinarri diren baldintza guztiak".

Davisek Facebooken argitaratutako adierazpen batean dio, badakiela "Palestinan justiziaren alde luzaroan erakutsi duen babesagatik" dela. Saria horregatik atzera botatzea bereziki salatu du:

"Erabat lekuz kanpokoa da, kontutan hartuta nazioarteko mugimendu handi batek ziurtatu zuela nire askatasuna –baita nire bizitza salbatu ere. Nire aktibismoaren parte handi bat eman diot nazioarteko elkartasunari, eta bereziki, munduko beste lekuetako gatazkak poliziaren gehiegikerien aurkako AEBetako herri mugimenduekin lotzen, kartzela industria konplexuarekin, eta zabalago hartuta, arrazismoarekin".

Handik egun batzuetara, Birminghamgo alkate Randall Woodfinek aitortu du kexak izan zituztela "bertako komunitate juduaren eta zenbait aliaturen partetik".

Polemika honen erdian egin ditu Davisek Palestinako, Euskal Herriko, Kataluniako eta Indiako preso politikoekiko elkartasun hitzak. Hauxe esan duena hitzez hitz:

"Palestinako preso politikoak babesten ditut, babesten ditudan bezala Euskal Herriko preso politikoak, Kataluniakoak, Indiakoak eta munduko beste hainbat lekutakoak. Israelgo estatuaren politika eta praktika ugariri aurkakotasuna erakutsi diet, eta gauza bera egiten dut Palestinaren okupazio israeldarrari AEBek ematen dioten babesarekin, baita AEBetako beste hainbat lege diskriminatzailerekin ere".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2019-04-17 | ARGIA
EPPK-k "beharrezkoak diren ekarpenak" egiten segituko duela berretsi du

EPPK-k  agiri berria plazaratu du Preso Politikoen Nazioarteko Egunean. Egoera “gordina” dela adierazi du, baina ez duela “atzera” eginen erran du ere.


2019-04-12 | ARGIA
Espetxean 30 urte daramatzaten lau euskal preso politikorekiko elkartasun ekimenak antolatu dituzte

Jakes Esnal, Frederic Haranburu eta Unai Parot eta Jon Parot anaiak presoekiko elkartasun ekintza izanen da apirilaren 13an, Baiona eta Donibane Lohizune artean. Lau euskal preso politiko horiek 30 urte eman dituzte presondegian.


2019-04-12 | ARGIA
Ciudadanos alderdiaren egoitzan pintadak egiteagatik hiru lagun atxilotuta Iru˝ean

Hiru pertsona atxilotu ditu Espainiako Polizia Nazionalak Iruñean ostegunean. Orain dela hiru aste Ciudadanos alderdiaren egoitzan pintadak egitea leporatuta eraman dituzte epaitegira. Epaileak aske utzi ditu behin-behinean, mehatxu terroristak egitearen akusaziopean.  


2019-04-11 | ARGIA
Sare: "Giza eskubideen alde eginiko lanagatik izango dira epaituak"

Herrira auziaren epaiketa egunaren berri jakin ostean Sare Herritarrak oharra kaleratu du auziaren inguruko balorazioa egiteko. Euskal preso, iheslari eta deportatuen eskubideen aldeko mugimenduarentzat "sufrimenduarekin amaitzeko onartezina" da halako auziek oraindik aurrera jarraitzea.


2019-04-11 | ARGIA
Irailaren 16an hasiko da Herrira, Jaiki Adi, Etxerat, Bitartekariak eta euskal presoen abokatuen aurkako epaiketa

Herrira, Jaiki Adi, Etxerat, Bitartekariak eta euskal preso politikoen abokatuen aurkako 11/13 sumarioko epaiketa irailaren 16an hasiko dela jakinarazi dute. Epaiketa Espainiako Auzitegi Nazionalean izango da eta gutxienez hiru hilabetez luzatuko da.


2019-04-08 | Ahotsa.info
Etxerat
"Espainiako Gobernuak Zaballara ekarri behar ditu preso guztiak, azkar eta arduraz egin dezala eskatzen diogu"

Etxerat elkartearen 18. Batzar Nazionala ospatu dute igandean Gasteizen. Salbuespenezko espetxe politiken desaktibazioa lortzea izango dela euren lanaren ardatz nagusia datozen hilabeteetan. Horretarako, informazioa, testigantza eta salaketa erabiliko dituzte tresna gisa, urrunketari eta preso gaixoek pairatzen duten muturreko egoerari lehentasuna emanez.


2019-04-08 | ARGIA
Espetxetik irten da Ekaitz Ezkerra, Donostiako herri harresiko azken presoa

Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra izan da irteten azkena.


2019-04-05 | ARGIA
David Pla aske utziko dute, haren kontrako euroaginduaz erabakia hartu bitartean

David Pla aske utziko dutela jakin berri da. Iragan otsailean Epaitegi Korrekzionalak bost urteko zigorra ezarri zion David Plari. Alabaina, apirila amaitu baino lehen Osnyko espetxea utziko duela aditzera eman du haren abokatuak. Edonola ere, zigorra beteta izan arren, Espainiak indarrean jarritako 2011ko euroaginduaz erabaki behar dute. Anartean, Hendaiara bueltatu daitekeela jakinarazi diote, kontrol judizialpean betiere.


Aske utzi dute Mikel Orbegozo, espetxean 14 urteko zigorra bete ostean

Mikel Orbegozo Donostiako presoa aske geratu da espetxean 14 urte egin ostean. Valladoliden izan da azken hilabeteetan, aurretik Badajozen egon da hainbat urtez. Intxaurrondo auzokoa da.


2019-04-02 | ARGIA
Gaixo dagoen Aitzol Gogorza espetxetik atera dute eta zigorra etxean beteko du

Oreretarrak 20 urte egin ditu espetxean. Gaixotasun psikiko larriak ditu eta hainbat aldiz eraman behar izan dute ospitalera. Urteak dira Gogorza etxeratzeko eskatuz kanpaina egiten ari direla. Basauriko espetxean zeukaten 2012. urtetik, eta asteartean, Martutenen tramite batzuk egin ostean, Gipuzkoako hiriburuko ospitalera eraman dute.


Azkenak
EGILEA
Eguneraketa berriak daude