Amurrioko gazte bat atxilotu dute, terrorismoa goratzea egotzita
Galder Barbado gaztea atxilotu dute kalez jantzitako guardia zibilek ostiral goizean, Gazte Danbadako karpan ustez jarritako pankarta baten harira, abokatuak azaldu duenez. Terrorismoa goratzea egozten diote eta Gasteizko polizia etxera eraman dute.
Atxilotuaren ingurukoek adierazi dute gazteak polizia segika sumatu duela azken astean. Protestak iragarri dituzte atxiloketa salatzeko: 12:00etan elkarretaratzea egingo dute herriko plazan eta 20:00etan manifestazioa.
Poliziaren jazarpena
Poliziaren jazarpena salatu zuten Galder Barbadok eta beste zenbait kidek 2011n: “Arrazoi ideologikoengatik jarraitu, bahitu, jipoitu eta mehatxatu egin gaituzte”. 2008an atxiki zuten lehenengoz Barbado; Guardia Zibilak mendira eraman zuen ordubeteko galdeketa egiteko, bere esanetan, “kolpe gogorren artean”. Gazteak salatutakoaren arabera, 2009an ertzainek ilea tiraka atera zioten listua, DNA proba egiteko.
Protestarako deia:
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.