Amaia Egaņa hil zenetik sei urtera, etxegabetzeek ez dute etenik Barakaldon

  • Berri Otxoak plataformak, Barakaldoko Langabetuen Asanbladak, Argitan, ELA, LAB, STEILAS, ESK eta CNT sindikatuek antolaturik, Amaia Egañaren heriotzaren seigarren urteurrena oroitzeko kontzentrazioa egingo dute ostiralean, azaroak 9, Justizia Jauregiaren aurrean.

Iņigo Igartua @igartua19
2018ko azaroaren 07a
Duela urtebete Barakaldoko Justizia Jauregiaren aurrean egin zen kontzentrazioa. Argazkia: @baladrinas

Berri Otxoak taldeak “Prekarietate, murrizketa eta kaleratze gehiagorik ez” lemapean aurkeztu du, Egañaren heriotzaren urteurrenaren testuinguruan gauzatuko den etxegabetzeen aurkako kanpaina. Sei urte dira Amaia Egaña barakaldarrak herriko Urban auzoan zuen etxetik kaleratua izatear zela, bere buruaz beste egin zuela.

Barakaldon prekarietatea, murrizketak eta etxegabetzeak “eguneroko ogi” izaten jarraitzen dutela salatu du, gizarte eskubideen aldeko plataformak.

Aurkezpenean jakitera eman dituzten datuak ere kezkagarriak dira: Barakaldon astean lau familia kaleratzen dira batez beste, herriko langabetuen %73k ez du inongo laguntza ekonomikorik jasotzen eta familien %15,3 pobrezia egoera larrian dago.

Udalak larrialdi kasuetarako laguntzak “murrizten” jarraitzen duela eta zailtasun handietan dauden familiak artatzeko herritarren eskura jartzen dituen zerbitzu sozialetan “pertsonal falta” dagoela ere ohartarazi du, Berri-Otxoak plataformak.

-Ikusi aurkezpeneko bideoa (Herrikolore webgunea)

-Kanpainaren kartela:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Etxegabetzeak  |  Pobrezia  |  Barakaldo

Etxegabetzeak kanaletik interesatuko zaizu...
Azkenak
EGILEA
Eguneraketa berriak daude