Altsasu, gauerako aterpe

  • Etzegarateko portuaren itxierak 400 bat ibilgailu harrapatuta utzi ditu. Altsasun eman dute eman dute 600 bat pertsonak: 300 kiroldegian, 90 Otadiako Kristo Deuna aterpean, 60 Burunda frontoian eta hainbat altsasuarren etxeetan.

Guaixe .eus @guaixe
2018ko urtarrilaren 08a
Elurra dela eta altsasuarrek Eltzegaraten harrapatutako pertsonak aterpetu zituzten. (Arg.: Guaixe)

Frantzia, Suitza, Holanda, Beasain, Idiazabal, Ormaiztegi… helmuga horrekin errepidean ziren asko eta asko atzo iluntzean. Gehienak Portugaldik abiatu ziren, sorterrian oporrak pasa ondoren harrera-hirietara bueltatzen ziren, bihar lanean hasteko. Bikoteak, bakarrik zihoazenak, haurrak zituzten familiak, adinekoekin bidaian zeudenak…

Elurrak guztiak A-1 autobian berdindu zituen. Gipuzkoako aldean Etzegarateko portua itxi zen eta ondorioz Sakanako aldean zirkulazioa trabatuta gelditu zen. Leitzarango Autobia (A-15) ere itxita zegoenez, elurra kentzeko makinek Altsasurako bidea garbitu eta harrapatuta gelditu ziren auto guztiak Burundako herrirantz bideratu zituzten. Udal eta foru agintariak harremanetan ziren ordurako eta zenbait erabaki hartzen hasiak ziren.

Antolakuntza

Ordurako altsasuarrek autobian zeuden arazoen berri bazuten eta etorriko ziren pertsonak laguntzeko prestatzen hasi ziren. Lehenik, jendeari jakinaraziz. Hala, etxean, poteoan, elkarteetan afaltzen zeudenak… adin guztietako jendea elkartu zen Zelandi kiroldegian, batez ere gaztea.  Autoak herrira sartu ziren eta haiek aparkatu ondoren jendea kiroldegirantz bideratzen aritu ziren. Ordurako udal zerbitzuek hainbat kaleetatik elurra kenduta zuten. Lehen filtro batean umeak eta haur txikiak zituzten familiak Nafarroako Gobernuaren Otadiako Kristo Deuna aterpetxean sartu zituzten. Haietako askok ere altsasuarren etxeetan lo egin dute.

Altsasuko elkarteak eta Urdiaingo herri bazkarietako taldea jakinaren gainean jarri zen, helburu bikoitzarekin: kiroldegian eta Burunda frontoian aterpea hartuko zutenak gauean jateko eta edateko zerbait beroa izatea eta gauza bera goizean. Altsasuarreki, zabaldu egin duten Eroski dendatik, DYAk eta Gurutze Gorriak ekarritako jakiak kiroldegian eta frontoian sartzeaz arduratu ziren, baita banaketaz ere. Egoitzetan, baita autobian zeuden autobusetakoei ere. Goizaldeko lauak eta erdirako lana eginda zegoen. Batzuk gaua egin badute ere gehienak 08:00etan bueltatu dira lanera.

Igandean

Boluntarioak kiroldegira eta frontoira iritsi direnerako jende asko eta asko jaikita zegoen. Batzuk ez dute apenas lorik egin. Eta berehala abiatzeko asmoa zuten. Horregatik, asko kiroldegiko ezkaratzean abiatzeko prest zeuden, urduri, noiz abiatuko zain. Frontoian zeudeak kiroldegira eraman dituzte.

Gosariak banatu bitartean (egoitzetan eta autobusetan) iritsi da Leitzarango Autobia (A-15) zabalik zegoela eta hainbat auto gidarik aukera horren alde egin dute 08:30etik aurrera. Ordu bat geroago zabaldu da Etzegarate. Ordurako hainbat boluntario altsasaurrek euren ibilgailutan jendea autobiara eraman du, euren autoak edo autobusak zeuden tokietaraino. Baina beste batzuek oinez hurbildu dira aterpe parean zeuden autobusetara eta hor ere gidari lanetan izan dituzte altsasuarrak. Esker oneko hitzak jaso dituzte denek.

Guztiak abiatu direnean, guztia jasotzeko garaia iritsi da. Kiroldegia eta frontoia behar bezala 11:00etarako gelditu dira. Han zegoen material guztia udaletxean jaso da.

 

Igande goizean, elurretan harrapatutakoak autobusetarantz abiatzean. (Arg.: Guaixe)

Albiste hau eta argazkiak Guixek argitaratu ditu eta ARGIAra ekarri dugu CC by-sa lizentzia baliatuta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Altsasu  |  Nafarroa

Altsasu kanaletik interesatuko zaizu...
Albert Riveraren azken probokazioa: Altsasun egingo dute ekitaldia azaroaren 4an

Ciudadanos alderdiak bultzatzen duen España Ciudadana plataformak ostegunean jakinarazi du hurrengo ekitaldia Altsasun egingo dutela, azaroaren 4an, igandea. "Ekitaldiak egiten ari gara Espainia osoan. Madrilen hasi ginen, Malaga, Mallorka, Bartzelona, Sevillan... eta hurrengoa leku garrantzitsu eta berezia da, Nafarroan izango da, Altsasun", adierazi du Riverak.


Nafarroa Oinez: 'Bizi' goiburuarekin, euskararen festara gonbitea

Igandean Altsasun izanen da Nafarroa Oinez festa handia. Lau kilometro eta erdiko ibilbidea eta lau gune izanen dira igandeko jai handi horretan: Bizi, Kanta, Txio eta Dantza.


Helena Taberna
"Nire herrian oinarritutako zinema egitea gustatzen zait"

Euskadiko Filmategiak Helena Tabena zinemagile altsasuarraren inguruko liburua argitaratu du, eta haren lanaren atzera begirakoa antolatu du Donostian eta Bilbon.


2018-09-25 | Guaixe .eus
88 guardia zibil eta 27 ibilgailu azken 4 atxiloketak egiteko

“Ihes egiteko arrisku nabarmena” zegoelako, Espainiako Auzitegi Nazionaleko Lehen Sekzioko agindua bete eta garagarrilaren 5ean Guardia Zibilak Altsasuko auziagatik epaitutako Aratz, Iñaki, Jon Ander eta Julen atxilotu zituen.


Valentziatik Altsasura, elkartasun murala preso dauden gazteekin

Valentziatik etorritako ‘A tiro echo’ kolektiboko Elias Taño eta Carla Chillida artistek murala margotu dute Altsasuko udal frontoiaren fatxadan, Koxka tabernako liskarrengatik atxilotutako gazteen alde. Altsasuko bizilagunen laguntza izan dute zeregin horretan. Haien ustez, “botere judizialak, militarrak eta status quo-ko politikoak antolatutako injustizia” da gertatutakoa.


2018-09-03 | Ahotsa.info
Aldarrikapena eta jai giroa uztartu dira Altsasuko Ospa Egunean

Goizean, plazan egindako mosaikoaren ondoren, trikipoteoa abiatu da herriko kaleetatik Zumalakarregi plazako bazkariraino. 400 pertsona inguru bildu dira bertan. Arratsaldean, 3.000 bat lagunek parte hartu dute Momotxorroek eta Mainamikirriek ireki duten kalejiran.


Altsasuko Gurasoek Donostiako Piraten txupinazoa botatzea galaraz dezala eskatu dio Covitek Udalari

Covite biktimen elkarte eskuindarrak Donostiako Udalari eskatu dio ez uzteko Donostiako Piraten txupinazoa Altsasuko Gurasoek botatzea, beren hitzetan "biktimentzat umiliazioa litzatekeelako". Ekinbide legalak har ditzaketela mehatxu egin dute.


2018-08-06 | Nahia Ibarzabal
Ospa Eguna deitu dute Altsasun irailaren 1erako

Altsasun egin du agerraldia Ospa Herri Mugimenduak eta adierazi duenez, “errepresio indarrei gaitzespena erakusteko helburuarekin”, antolatuko da Ospa Eguna.


Altsasuko Alkateari eskutitz irekia AHTari buruz

AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.


2018-07-20 | Guaixe .eus
AHTren kontra bizikletan Martzilla eta Altsasu artean

AHT Gelditu! Elkarlanak Nafarroako Abiadura Handiko Tren korridorearen kontrako bizikleta martxan antolatu du. Ostegunean Martzillatik abiatuko da eta 29an Altsasun bukatuko da. Azken etapa Irurtzun eta Altsasu artekoa da. Astelehenera arte eman daiteke izena ahtrikeznafarroa@gmail.com e-postan edo 628 243 066 telefonoan. Lau egunetarako joaten direnek 40 euro ordaindu beharko dituzte, 25 bi egunerako joaten direnak eta 15 euro egun bakarrean ariko direnek. Horren barruan gosariak, bazkariak... [+]


Azkenak
EGILEA
Eguneraketa berriak daude