Alternatiba Itzuliak Paris eta Baiona lotuko ditu

  • Alternatiba Itzulia abian da berriz ere. Antolatzaileek klimaren alde mobilizatzera dei dute ekainaren 9an, larunbatez, Baionako Euskal Erakustokian! 15:00etarik 17:30 bitartean.

2015eko Alternatiba Itzulian izandako esperientzia aipatuko dute parte hartu zutenek. Argazkia: Bob Edme.

2018ko ekainaren 08an - 09:29

Alternatiba Itzulia Parisko Stalingrad plazatik abiatuko da egun berean, eta 5 800 kilometro egindakoan –lau hilabete iragan ondoren– helduko da Lapurdiko hiriburura, urriaren 6an. Itzulia bizikletez egina izaki, klimaren defentsa gartsu eta osasuntsuaren aldeko aldarria izatea nahi dute antolatzaileek

Lau hilabetetan ekitaldi andana izanen dira herriz herri eta hiriz hiri. Bidean bide, txirrin-iraultzak, larrialdi klimatikoari buruzko hitzaldiak, elkarteekin eta tokiko hautetsiekin topaketak, bortizkeriarik gabeko ekintzei buruz ikastaroak izanen dira, besteak beste.

Etapa bakoitzean klimaren aldeko irtenbide zehatzak emanen dituzte antolatzaileek.

Alternatiba Itzulia Parisen ekainaren 9an abiaturik, Baionara helduko da datorren urriaren 6an

Baionako ekitaldia Bizi! mugimenduak antolatzen du. Larunbat honetan, besteak beste, 2015eko Alternatiba Itzulian izandako esperientzia aipatuko dute parte-hartzaileek. Orduko ekimenari buruzko erakusketa eta hainbat bideo ikusgai izanen dira. Bertaratutakoek hitza hartu ahal izanen dute.

Alternatiba Itzulia Parisen abiatu eta Baionara helduko da datorren urriaren 6an. Aurtengo ibilbidearen azken etapak Donostia eta Biarritz lotuko ditu. Ilunabarrean Baionako bidea hartuko du Txirrin-iraultza handi bat egin ondoren.    

Alternatiba Itzulia (Alternatiben Herrixken barruan) ekimenetan parte hartzeko deia egin dute antolatzaileek. Eremuak zabaldu eta antolatzeko bidean “Elkartasuna eta partekatzea” da antolatzaileen lema. Xehetasunak, ekainaren 12an, 19:00etatrik 21:00era bitarte Manu Robles-Arangiz Fundazioan izanen den bilkuran. 


Kanal honetatik interesatuko zaizu: Bizi!
Hirigintza-antolaketan bizikleta bideak sartzeko kanpaina abiatu du Bizi-k

Frantziako Ingurumen Kodearen L228-2 artikuluak dio hiribideen berritze orok bizikletaz ibiltzeko antolaketak barnebildu behar dituela. Betebehar hori betetzen ez duten Herriko Etxeak identifikatzeko deia luzatu die Bizi talde ekologistak herritarrei.


2023-10-10 | Euskal Irratiak
Euskal Herria Burujabe ekitaldian maila lokalean eragiteko deia luzatu du Bizik

Metamorfosia ekologiko eta soziala bultzatzen duten alternatiben erakusleiho bat Baionan. Euskal Herria "burujabe, solidario eta iraunkorraren" aldeko ekimena ospatu du Bizi mugimendu ekologistak asteburuan, Lapurdiko hiriburuan. Parte hartze kopuruak antolatzaileek... [+]


Klima larrialdiari aurre egiteko alternatiben eta gogoeten topaleku izanen da Baiona asteburuan

Euskal Herria Burujabe "festa herrikoi eta ekintzailea" antolatzen ibili da Bizi! mugimendu ekologista, lurralde "jasangarri, solidario eta burujabea" osatzen duten alternatiben ezagutzeko asmoz.


2023-09-21 | Euskal Irratiak
Milaka pertsona bildu nahi lituzke Bizik, 'Euskal Herria Burujabe' topaketetan

2013ko Alternatiba Egunetik hamar urtera, 10.000 pertsona bildu nahi ditu Bizi mugimendu ekologistak bi egunez Baionan. ‘Euskal Herria Burujabe’ topaketak antolatu ditu urriaren 7tik 8ra, lurralde iraunkor, solidario eta burujabe baten aldarrikatzeko.


Eguneraketa berriak daude