Friedrich Merz oposizioko buruak –Angela Merkel kantziler ohiaren CDU alderdikoa– proposatu du Alemaniako nazionalitatea lortzeko beharrezkoa izatea "Israelen existentziarako eskubidea" esplizituki aitortzea.
Alemanian bizi diren migratzaileek nazionalizazioa lortzeko, "Israelek existitzeko duen eskubidea" onartu behar izatea eskatu du Friedrich Merz CDUko buruak. Merzek ZDF telebista katean egindako elkarrizketa batean adierazi duenez, migratzaileak naturalizatu daitezke "Israelen segurtasunarekin konprometituta" daudela adieraziz gero eta zera gaineratu du: "Hori sinatzen ez duenak ez du lekurik Alemanian". Gainera, harago joan da eta adierazi du Israelen segurtasuna "Alemaniako Estatuaren sortze printzipioa (Staatsräson) izan zela". Israelek Gazaren aurkako sarraskia abiatu zuen lehen unetik, Alemaniako Gobernua izan da sionistei babes irmoena adierazi diena Europan, Frantzia eta Erresuma Batuarekin batera.
Alderdi Berdeak eta Alderdi Sozialdemokratak "alferrikakotzat" jo dute Merzek eskatu duen neurria; haien esanetan "iritzi antisemita, arrazista edo xenofoborik" adierazten duen edonork debekatuta duelako Alemaniako nazionalitatea lortzea. Die Linke ezkerreko alderdiak gogor kritikatu ditu adierazpenak: "Mertzek herritar talde jakin batzuk baztertu eta barregarri utzi nahi zituen, hala nola errefuxiatuak, bereziki fede musulmaneko pertsonak".
Halaber, Europar Batasunarekin ikuspegi bateratua lortzeko, migrazioa mugatzeko proposamen zehatzak aurkezteko eskatu dio Merzek Alemaniako Gobernu Federalari, bere esanetan, "nazionalizazio azkarrak geldiarazi" behar dira eta.
"Gehiago eta azkarrago" deportatu
Alemanian migrazio irregularra mugatzeko neurri gogorragoak eta asilo-eskatzaileen aurkakoak iragarri ditu ostiralean Olaf Scholz kantzilerrak. "Azkarrago deportatu behar dugu", nabarmendu du Alemaniako buruak.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]