Alderdi Sozialista da Frantziako Herri Batasun Ekologiko eta Sozial Berriaren azken kidea

  • Alderdi Sozialistak, Alderdi Komunistak, Frantzia Intsumisoak eta Polo Ekologistak osatuko dute hauteskunde legegileetarako Herri Batasun Berria.


2022ko maiatzaren 06an - 11:41

Frantziako Alderdi Sozialistaren Nazio Kontseiluak Herri Fronte Ekologiko eta Sozial Berrian sartzea onartu zuen atzo, ekaineko hauteskunde legegileetan aurkezteko. Eztabaida bero baten ostean onartu dute "fronte popular" berrian sartzea, aldeko %62,3 bozekin.

Indar ultraeskuindarren eta kontserbadoreen igoerari aurre egin nahi diete, eta helburua hauteskundeak irabazi eta Jean-Luc Mélenchon Lehen Ministro izatea da.

Akordio honekin, lau poloko frontea aurkeztuko da hauteskundeetara: Alderdi Sozialista, Alderdi Komunista, Frantzia Intsumisoa (Frantzia Intsumisoa, Parti de Gauche, Ensemble, Picardie Debout eta Révolution Écologique pour le Vivant) eta Polo Ekologista (Les Verts, Les Nouveaux Democrates, Generations eta Generation Ecologie).

Alderdi Sozialista, kolokan

Inoizko egoera okerrenean dago Frantziako Alderdi Sozialista; izan ere, azken hauteskunde presidentzialetan inoizko emaitza okerrena izan du, Anne Hidalgok botoen %1,9 bakarrik jaso baitzituen. 2017ko hauteskunde presidentzialak ordura arteko okerrenak izan ziren, Benoît Hamonek botoen %6,36 bakarrik jaso zituen eta.

Egoera larri honetan, Herri Batasun Berrira batzeko erabakia hartu du Alderdi Sozialistaren Nazio Kontseiluak, alderdia desagertzear dagoela dioten zurrumurruen artean.


Kanal honetatik interesatuko zaizu: Frantziako Legebiltzarrerako hauteskundeak 2022
Eskuin muturrak eskerrak Macroni

Zortzi diputatu izatetik 89 izatera pasa da bost urtez eskuin muturra Frantzian. Hori horrela, lehen aldikoz talde parlamentario bat osatu dezake Marine Le Penen RN Batasun Nazionalak, horrek abantaila andana ematen diola: lehenik eta behin, sostengu finantzario kontsekuentea... [+]


Frantziako Legebiltzarrerako hauteskundeak. Analisia
Eskuin muturrak eskerrak Macroni


2022-06-21 | Jakes Bortayrou
Frantziako Legebiltzarrerako hauteskundeak. Analisia
Ustekabeko panorama


Legebiltzarrean zuen gehiengo osoa galdu du Emmanuel Macronek

Presidentearen hautagaitza izan da boto gehien atera dituena, baina gobernatzeko itunak bilatzera behartuko duen beherakada jasan du. Mélenchonen ezkerra eta Le Penen eskuin muturra asko hazi dira. Ipar Euskal Herrian Macronen aldeko Bru eta Lasserre eta ezkerreko Echaniz... [+]


Eguneraketa berriak daude